Eremyas 51:56 - Fanawbuid tagsibaliwas Fakayabian

⁵⁶ Kadasug ban at nanrasras talun Babilunya ay nantaban ban at ngay tagfawayan, ay at godun ban fagayu kalifung wan, aroro au, Yawi, tagfauri fagayu at mauri ay gfaurianan au talun Babilunya at kasakan sa anya.

Eremyas 51:56 ပူးပေါင်းရင်းမြစ်များ

Fakasigadan 49:24

Ay dewa katanya, anggan ban o, gfana o gugat anya fagayu, ay am ngay take ban mabitsug tua gugat, aroro siginan Akub at Dius at mabalyanan, Israel at tagulit ay at fagsarirungan at gubuk.

Alubad. 137:8

Ngay taw Babilunya, umkamin ban am. Mauseganan ban nusnga sinu at nanamaurianan ayu, kata ay nafakamulun sa emi.

Alubad. 37:15

Dewa katanya, at ngay sadili way at naurus, ay at ngay banyas umlifung.

Alubad. 46:9

Kanya nafaragang ngay awayan sas fagdaul daga. Ay nalifung wan at ngay bangko ay at ngay banyas, ay nairug at ngay famalabag.

Alubad. 76:3

Ay kanya naiklas ay nalifung sanya at ngay fawayan at ngay banyas tagigang; ay anggan at ngay famalabag, ay at ngay fiso, ay tiba yak fagagbilugun sa nu gfawayan.

Isayas 21:2

Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Isayas 34:8

Aroro Yawi e nafalganan tua sik menit laman namasud at ngay fawayan laman ggubuk ngay taw Siun.

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Eremyas 49:35

Yawi at Mabalyanan nalong te, “Namabul kban Elam at ngay tagsaful gagbilug godun, ay at ngay tagsaful fia gfawayan.

Eremyas 50:10

Kanya ban fagayu namamin talun Babilunya at ngay ramraman ay umfanud ban. Au, Yawi, taglong tuy.

Eremyas 50:36

Ay namaurianan yangay takamuagan fag ngay taglong ay kanya fagayu umsik yud e fagsafulun! Ay namaurianan yangay at ngay tagfawayan, ay kanya fagayu umlimu maksvn!

Eremyas 51:24

“Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:30

Babilunya at ngay tagfawayan umragang nu gfawayan ay maragangan way lang sit fagmafulan. Kanya fagayu ummomuy kata sik mangena. Ay tagsis Babilunya fag ngay bale umkirug ay at ngay dingding sakbawan umrasras wan.

Eremyas 51:48

Ay nu nfasludan ban takatanya, banwa ay fagdaul daga guro guseganan aroro talun Babilunya anrasras wan. Aroro ngay tagfawayan siginans fawalan fag alvngvdan nanrasras wan. Au, Yawi, taglong tuy.

Eremyas 51:53

Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.

Eremyas 51:6

Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.

Takabalu 3:64

Yawi, faurianani wan anya fagayu kata at nafakamulun.

Esekyel 39:3

Ay sanya ginan ban, namul au am fiso.

Esekyel 39:9

“ ‘Ginanya ban fag menit, ngay tagbanwan sis Israel at ngay furuan namaful kanya fag ngay famawayan: famalabag tagbia ay talay, ngay godun, banyas ay bangko, ay kanya ban fag ngay taw gtungu wan kanya fag ngay famawayan kaduge fituk banwa.

Amus 2:15

Dewa tagsaful ggodun fag ngay tagfawayan gababawan way. Ay at masakit gtarung fag ngay tagfawayan wa malagyu ya, ay at ngay mafananadan gsakay sis kabayu wa mafalangfe at mesa sadili.

Ubadyas 1:15

Munakbang wan nu nanginsaful au fagayu talun at ngay taw. Nu setain ay nafakamulun say iba, katanya yangay ban ku fakamulun sa ayu. Nu setain ay nalong say iba, katanya yangay ban at longan sa ayu.

Abakuk 2:8

Aroro ngayu wan ay nagbilug ramraman siginan kafag ngay talun, kanya ban fag ngay talun at ngay taw at sawad nangagbilug ay ramraman. Umfasludan sa ayu takatanya aroro nafabul am ngay taw ay nafauri at ngay tanum anggan at ngay furuan.

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

2 Tesalunika 1:6

Dius at fakamulun matuyan. Kanya ban namaidapan at nafaidapan ayu.

At Nafasure 17:16

Ay am nalag fag safuluk sunge ay kafag tagfangagat fag mela, kauri kafag mangena takamatugtug, ay kanya ban fagayu namul kafag mangena at ngay ramraman ay anggan at lanbung, ay we fagagbilugun ya. Ay kanya ban nangon takamatugtug fag mangena at faknul ay at fasawadan ban nangirug wan.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 19:2

Aroro kanya mafanud ay matuyan nu gfatuyan taw at asalanan, ay nafaurianan wan at mabalyanan fag takamatugtug, at fakamatugtugun wan at nafasuya fagdaul daga. Dius nafasud kafag furuan daul aroro kanya fag furuan nafabul Dius at ngay fagsuguan.”

1 Samwel 2:4

Kanya nafabul wan at maseganama fag ngay tagfawayan, ay nafabitsug tua at ngay mamomuy.