Eremyas 51:53 - Fanawbuid tagsibaliwas Fakayabian

⁵³ Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.

Eremyas 51:53 ပူးပေါင်းရင်းမြစ်များ

Ub 20:6

Kanya nu gdama at sadili dewa kabat sbanwa ay slinyabu,

Isayas 13:17

Fagayu am, dungugani! Sumugu au ngay taw Medya laman namawayan ngay taw Babilunya. Kafag ngay taw Medya wa galabian gintu ay salapi.

Isayas 41:25

Nafili au sik taw siginans wala fag alvngvdan laman namagtainan. Kanya kakbang tua angku, ay katsi kanya kadasug siginans fakamenitan. Kanya ban namamin ngay tagfunan kata sik takawat tikung nu gsiad lifak laman gfalganan at fangawat tikung.

Isayas 47:5

Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Eremyas 49:16

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu. Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Eremyas 50:21

Yawi nalong yay fia te, “Namawayan am talun Merataim ay talun Pekud. Namabul am anya fagayu yakmay namin laman sik fanggalangun sa angku. Faningi fagayu ku suguan ayu.

Eremyas 50:25

Naluang kwan ku fagfasuksukan ngay famabul ay nafaduksun kwan kafag ngay famabul aroro kadotama au maksvn. Au, ay Fun, Yawi at Mabalyanan at ke algan namaurianan ayu, tagbanwan sis talun Babilunya.

Eremyas 50:45

Nu katanya, dungugani, katatuy ku algan ku fagnamakamulunun sas talun Babilunya: Gtaban kban at ngay sisian ay nanrasras kban at ngay fagbanwanan.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:25

O, talun Babilunya, ku fawayan way o, nafangayan emu te, Tagfanrufa fag Buksul. Gfanrufa o fagdaul daga. Siginan ku fagmabalyananun nanrasras au ay nangirug emu.

Eremyas 51:48

Ay nu nfasludan ban takatanya, banwa ay fagdaul daga guro guseganan aroro talun Babilunya anrasras wan. Aroro ngay tagfawayan siginans fawalan fag alvngvdan nanrasras wan. Au, Yawi, taglong tuy.

Eremyas 51:56

Kadasug ban at nanrasras talun Babilunya ay nantaban ban at ngay tagfawayan, ay at godun ban fagayu kalifung wan, aroro au, Yawi, tagfauri fagayu at mauri ay gfaurianan au talun Babilunya at kasakan sa anya.

Eremyas 51:58

Yawi at Mabalyanan nalong yay fia te, “Rasrasi wan talun Babilunya at ngay alad at madamvl ay irugi wan at ngay sakbawan tangabat. Wa ban e masuad fagayu tagbanwan sanya at nainlufuyan aroro kairug ban.”

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Amus 9:2

Kanya fagayu dewa sumuksuan sas daga daga, ay sa sangay kinbul at talun, namul kyay ban fia anya fagayu. Ay dewa ban nasas banwa, gguyud kyay fia anya fagayu sat daga.

Amus 9:4

Ay at ngay fawayan ban dewa tumaban anya fagayu, namabul kyay fia anya fagayu. Aroro ku algan wan namamin, ay yud nanggubuk anya fagayu.’ ”

Abakuk 2:9

Ida am, takawat ay ngay bale siginan ay nabul fag ngay salapi sat mauri fag ngay balyawvtan. Nafaksvn am ay ngay bale laman ban malangfe am nu ndasug faurianan.