Eremyas 51:5 - Fanawbuid tagsibaliwas Fakayabian

⁵ Dewa katanya, au, Yawi at Mabalyanan, Israel at Dius at yud e Malong, kdi naubun talun Israel ay Uda, dewa at ngay talun ankapnu fagmauriun.

Eremyas 51:5 ပူးပေါင်းရင်းမြစ်များ

1 Fun 6:13

Ay namanwan kban sam fagnamawatun fag bale magamut ku ngay taw, ay kwa ban gaiyan anya fagayu.”

2 Fun 21:16

Ngayu Manase at nafabul at yud e asalanan ay at ngay taguk ankapnu Erusalem at dalan. Saman ya nu gfae asalanan ngay taw Uda sis Yawi at daga salubangan.

Esra 9:9

Dewa ami sik ngay fagsuguan, di o naylat nu sik ngay fagsuguan ami gugat, nu bunway nafalag tuo sa emi am fakafanyun siginan nu gagbilug o talun Persya at fun laman kanya masine tua at amatanganan sa emi. Nafakamulun o takatanya laman kae fagmanabayanun ami, ay laman nandog ami namawat am bale at kinkiklas, ay laman gulit o emi ste sis talun Uda ay sis Erusalem.

Alubad. 94:14

Yawi, dewa katanya, di ban o gaiyan am nafili fag ngay taw.

Isayas 44:21

Yawi nalong te, “Israel, amatangi takatanya, aroro ku fagsuguan o. Au at nawat emu laman namaning o angku, ay kdi ban kalyam emu.

Isayas 51:15

Aroro au wan ay Dius Yawi tagfalugwak ay tagfafawas dagat. Ku ngayan Yawi at Mabalyanan.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Eremyas 14:19

Yawi, o matuyan naiyan wo Uda? O anud kauri wo furuan Erusalem? Wain am fagnafauriananun emi takatatuy, ay kata wa nu yud ami e fagsegun ya kafia? Nafanya oma tam fagmanabayanun dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Eremyas 14:9

O kata yangay o sik taw at yud e fagmafakamulunun, ay sik tagfawayan at yud makatu gfalangfe? Yawi, dewa katanya, si tuo gugat emi, ay ami wan am ngay taw, nu katanya, lag o gfabayan emi.”

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 23:15

Nu katanya, Yawi at Mabalyanan glong sabaliwa kafag ngay taglong te, “Namaon au sa anya fagayu ngay fakonun at mayat ay namainum au at ke ganga fag ngay fanginum aroro kanya fagayu nafafagdaul fagmauriun sas fagdaul talun.”

Eremyas 31:37

Nu setain nu yud e mafatuyan te, kadaul nya banwa, ay kabasad nya daga, katanya yangay kwa ban gaiyan Israel at ngay gaban, kanya fagayu dewa nafakamulun ngayuk asalanan. Au, Yawi, taglong tuy.”

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Esekyel 8:17

Sanya ginan, Dius nalong angku te, “Taw at baguama, o glag o in? O takatanya at fakamulun ngay taw Uda yay at fangugali? Saman ya takatanya, kanya fagayu gfakamulun yay tiba yak mauri sas fagdaul talun, ay takatanya at fakamulun gfaugat yay nu gfadotama angku. Damai kafag ngay taw nu gfauri angku.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Usea 1:10

Dewa katanya, kadasug ban tibak menit, gdog kyay ban kafanyu anya fagayu ay kanya ban fagayu umkayu kata lagnas sis tigyangan dagat at yud katap ya. Ay kadasug ban sik menit kanya fagayu kangayan te, ‘ku ngay sisian.’

Usea 2:1

“Nu katanya, fangayani ay kaiban fag ngay taw Israel te, ‘Ku ngay taw,’ ay ‘Ku ngay fakesugun.’

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Mikas 7:20

Nu setain nu nesug o ay nu matuyan o sa em mangaguyang Abrayam ay Akub, katanya yangay nangus am fakamulun anggan sa emi.”

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Sakaryas 12:8

Ginanya ban fag menit, Yawi galaga ngay taw Erusalem, dewa at mamomuy umbitsug kata Dabid. Dabid at ngay kasugfunanan umke fagmabalyananun kata Dius, ay umkata Yawi at tagbarita tagfangguna anya fagayu.

Sakaryas 2:12

“Ay Yawi gdog yay nangagbilug talun Uda laman at afud sit yud e malong fag talun. Ay gdog yay ban gfili Erusalem laman at furuan.

1 Samwel 12:22

Yawi di gfabayan ayu, aroro kanya nafili tua ayu laman at ngay taw.