Eremyas 51:44 - Fanawbuid tagsibaliwas Fakayabian

⁴⁴ Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Eremyas 51:44 ပူးပေါင်းရင်းမြစ်များ

2 Krunika 36:7

Ay Nabukudunusur nabuba yangay sas talun Babilunya tibak fagagbilugun sis Yawi at bale, ay nafasakbo sat bale.

Ub 20:15

Ay kanya ban kata nu nansufa at nafangkamul fag ngay ramraman, Dius namafangkok ban anya dewa siwa at basad ungdan.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 60:5

Ay nu nalag ro wo takatanya, guseganan ro wo maksvn, aroro gfadasug tua sa emu tibak talun at ngay ramraman.

Eremyas 50:15

Am fag ngay talun, uroi faurii talun Babilunya! Damai, talun Babilunya nafababaun wan! Ay at ngay bale tangabat anrasras wan ay at ngay alad anrufa wan. Yawi nafasud sanya fag talun. Nu katanya, fasudi yangay anya ay fakamuluni kata at nafakamulun sa tiba.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 51:18

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 51:34

Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Eremyas 51:47

Nu ndasug ban at buknga, namaurianan kban ngay fagsegan sis talun Babilunya ay fagayu ban taw tagbanwan sanya fag talun umkapla. Ay fagayu ban at kinbul matangda way lang ngayu.

Eremyas 51:53

Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.

Eremyas 51:58

Yawi at Mabalyanan nalong yay fia te, “Rasrasi wan talun Babilunya at ngay alad at madamvl ay irugi wan at ngay sakbawan tangabat. Wa ban e masuad fagayu tagbanwan sanya at nainlufuyan aroro kairug ban.”

Daniel 1:2

Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 4:1

Fun Nabukudunusur nawat sik fansulitan laman sas fagayu gaban taw sas fagayu talun sas fagdaul daga, tagsaman at ngay fangaringang. Katatuy at rirukan: Sumawa nangus fia ayu at masine fag kayaunanan.

Daniel 4:22

o wan kafag fun kayu, mesug fag fun. Aroro ansik mabalyanan o. Am fagmabalyananun andasug sas banwa ay am fagagbilugun andasug nusnga nday fag fungfung daga.

Daniel 5:19

Aroro sat nafon anya fag fagmabalyananun, fagayu gaban taw sas fagayu talun sas fagdaul daga, tagsaman at ngay fangaringang anlimu anya. Ay kanya gfabul nusnga sinu fag taw at fakaylatun gfabul, ay wa gfabul at fagyudun kaylat gfabul, ay gfae fanambagun at fakaylatun fag taw, ay gfayud e fanambagun at fakauriun fag taw.

Daniel 5:26

“At masuad: Mene: Dius natap at sawad fag ngay menit nu gfunan o ay nafatabu wan.

Daniel 5:31

ay Daryu fag taw Medya, natubus anya laman sik fun. Ay ginanya, kanya unumk safulu e duak banwa.