Eremyas 51:36 - Fanawbuid tagsibaliwas Fakayabian

³⁶ Yawi glong te, “Ngay taw Erusalem, ggubuk au ayu ay namasud au laman sa ayu; namalanggang au dagat ay ngay bulbug tagsis talun Babilunya.

Eremyas 51:36 ပူးပေါင်းရင်းမြစ်များ

Alubad. 107:33

Yawi nafalanggang ngay liskung, ay kafag ngay liskung ankata sik talun at yud e taw, ay anggan ngay bulbug anlanggang yangay ay ankata at matat fag daga.

Alubad. 140:12

Yawi, nasaful au te, gdiri tuo at yud e kwa siginan tagfaidapan anya, ay nasaful kyangay te, gfon yangay o fagmatuyanun sa tagayudan.

Fangatulun 22:23

aroro Yawi taggubuk tua at ngay yud e kwa.

Fangatulun 23:11

Aroro Yawi tua taggubuk ay at namababo anya.

Isayas 19:5

Liskung ban Nilu umlanggang,

Isayas 43:14

Ngay taw Israel, Yawi ay tagfalangfe, ay ay Dius at yud e malong glong te, “Namadasug au sas Babilunya sik ngay tagfawayan tagsiginan tibak talun, ay ngay taw Babilunya glagyu gsakay sit fakamatungudunun fag ngay sakayan lino. Namakamulun kban takatanya laman sa ayu.

Isayas 44:27

Ay nu nalong kban te, ‘Ngay liskung, alanggangi,’ matuyan, kalanggang.

Eremyas 50:38

Ay fagayu at fagnamulan mamam ankatat wan! Aroro sis talun Babilunya mapnu wan ngay fagsegan, tagfalyam ngay taw at amatanganan siginan nu gfalimu anya fagayu.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:6

Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.

Esekyel 25:14

Namasud kban sa sangay taw Edum siginan nu gagbilug au ku ngay taw Israel. Ay kanya ban fagayu namaurianan Edum kaksvn nu kadotama au sanya fag ngay taw. Ay ngay taw Edum ban sumaful nu setain nu namasud au anya fagayu. Au, Fun Dius Yawi, taglong tuy.”

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Ruma 12:19

Ku ngay fakesugun, lag am gfasud tagfauri ayu, nu bunway fabayani wan Dius at namasud. Aroro katatuy at Rirukan te, “Tam Fun nalong te, ‘Au waban tagfasud, ay au waban tagfafoli.’ ”

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

Deuterunumyu 32:43

Ngay talun at ngay taw, fasfuani Dius at ngay taw, uroi fauseganani. Aroro Yawi namasud sat nafabul at ngay fagsuguan ay kanya gfasud sat ngay fawayan, ay gfasine at ngay talun, ay gfalyam at ngay taw at asalanan.

At Nafasure 16:12

Ay at faunumk tagbarita naugwag at ba taya at bilug sas liskung daul Eufrates, ay kafag liskung at mamam anlanggang, laman gfalganan tagsiginans fakamenitan fag ngay fun at dalan.