Eremyas 51:34 - Fanawbuid tagsibaliwas Fakayabian

³⁴ Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Eremyas 51:34 ပူးပေါင်းရင်းမြစ်များ

Ub 20:15

Ay kanya ban kata nu nansufa at nafangkamul fag ngay ramraman, Dius namafangkok ban anya dewa siwa at basad ungdan.

Alubad. 74:13

Siginan am fagmabalyananun, dagat ankafud. Nafawayan o tagbia ayu daul fag ngay tagleleg sis dagat, ay narufa o at ngay alfuyu.

Fangatulun 1:12

Dewa at masisian gfabul wa ro tam, laman kafagayu umkata ngay taw at nalao sat mabulan fag ngay taw at fagfolian,

Isayas 34:11

Tagbanwan ban sanya ngay ebo way lang ay ngay ugak. Yawi at ke algan te, Edum umsik mabaluanan ay at yud e gbanwan fag talun.

Isayas 42:22

Dewa katanya, katsi, kafag ngay taw nafangkamulan wan, ay nabulan at ngay ramraman, ay tiba ankubung sasad lusung ay sasad ubung, ay we nagubuk ya.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 50:7

Ay kanya fagayu naonan nusnga sinu at nalag anya fagayu. Ay at ngay fawayan glong te, ‘Kanya fagayu anke asalanan sas Yawi, at ngay mangaguyang at fagfiangalayan ay at fagsegun, nu katanya, wa tam e asalanan dewa tam nanamawayan anya fagayu.’

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Eremyas 51:49

Rasrasi wan talun Babilunya, aroro kanya nafabul ngay taw Israel ay tiba yak taw sas fagdaul daga.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 2:16

Am ngay fawayan gfalingun emu, gifulan ay gfaringgit at ngay bagang ay glong te, “Katsi narasras watam furuan Erusalem! Katsi wan fag menit tam fagfanyaun, ay anfasludan wan!”

Esekyel 36:3

“Nu katanya, nanlong o sa kafag ngay buksul te, ‘Au, Fun Dius Yawi, glong au te, tibak talun at ngay taw nafawayan ay nagbilug ayu. Ay kanya fagayu gfalingun gugat ay gfapla ayu.

Usea 8:8

Ngay taw Israel kata nu naonan tibak talun. Katsi kanya fagayu gfasuglatan way lang sanya fag ngay talun, kata way lang at yud e fanambagun fag fagagbilugun.

Amus 8:4

Am fag ngay taw tagfaidapan at ngay yud e kwa, ay tagyafabulun anya fagayu, dungugani.

Naum 2:2

Dewa am nababo taw Israel ay taw Uda kata sik tanum wat ubas at kinyango, Yawi gfafoli yay fia taw Israel ay taw Uda at fagmabalyananun.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.