Eremyas 51:29 - Fanawbuid tagsibaliwas Fakayabian

²⁹ Talun Babilunya ban guigan kata sik taw tagtadtaruyan ay maksvn at fakasaitun, aroro Yawi namafasludan wan at algan sanya fag talun laman we gbanwan ya sanya ay laman umsik mabaluanan.

Eremyas 51:29 ပူးပေါင်းရင်းမြစ်များ

Isayas 14:16

Kafag ngay taw at mabulan gfadamaun ay glong te, ‘O in oma siring ngay taw sis fagdaul daga at fakalimuun ay at nauig ngay fagfagtainanan?

Isayas 24:20

ay granranugan kata sik tagalangu, ay muigan kata sik balean tagmara nu nadalan. Fagdaul daga gabyatan at asalanan, ay kanya ban umrasras ay wa ban gdog ya umlindug.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Eremyas 50:13

At kaksvnan nu kadotama au kafag talun, wa ban e gbanwan ya sanya ay mabaluanan way lang ban. Ay fagayu ban tagdalan sanya umdulo.

Eremyas 50:36

Ay namaurianan yangay takamuagan fag ngay taglong ay kanya fagayu umsik yud e fagsafulun! Ay namaurianan yangay at ngay tagfawayan, ay kanya fagayu umlimu maksvn!

Eremyas 50:43

Ay talun Babilunya at fun nu nadungug takatanya, anmomuy, kalimu ay e faganinianun kata sik mangena tagafasalugun wan.

Eremyas 50:45

Nu katanya, dungugani, katatuy ku algan ku fagnamakamulunun sas talun Babilunya: Gtaban kban at ngay sisian ay nanrasras kban at ngay fagbanwanan.

Eremyas 50:46

Ay at kaksvnan ban ngay taw Babilunya nu gatabanan, daga guigan ay kanya ban fag ngay taw nu gwayway kadungug sas fagdaul daga.”

Eremyas 51:26

Wa ban e gang ya fangawat bale siginan emu. Ay umsik mabaluanan way ban o kabavn. Au, Yawi, taglong tuy.

Eremyas 51:28

Fafalganani Medya at ngay fun anggan at ngay tagfangguna ay at ngay tagulit, ay fagayu at fagagbilugun fag ngay talun laman namawayan talun Babilunya.

Eremyas 51:37

Nanrasras kwan kafag talun, ay tiba bank taw umdulo at kindasug sa anya fagayu, ay gfalingun, ay tagbanwan ban sanya ngay idu talun way lang.

Eremyas 51:43

Ay sanya fag ngay furuan mabaluanan way lang kata sik talun at yud e gbanwan ya ay at yud e gdalan ya.

Eremyas 8:16

Tam ngay fawayan at ngay kabayu nu gengasan kadungug siginans Dan. Ay si omay lang at ngay uni, fagdaul talun gtadtaruyan wan. Kanya fagayu andasug laman nanrasras tuy fag talun, ay ste fag furuan ay fagayu tagsanya.”

Uel 2:10

Gina kafag ngay liung andasug, daga ay banwa nauigan. Menit ay magdanun andulum, ay ngay galeme wa gdamlag ya.

Amus 8:8

Nu katanya, namae fanguig kban say daga, ay fagayu ban am gwayway am. Ay daga ban umkabat kata Liskung Nilu nu kabia ay nu kalay at familugan sis talun Igiptu.

At Nafasure 18:2

Ay kanya maksvn nu guro te, “Anrasras wan at mabalyanan fag furuan daul Babilunya, ay katsi tagbanwan sanya, at mauri fag ngay falad, kanya at mauri fag ngay taw yabi, ay at mauri fag ngay manuk tungud, ay at mauri fag ngay mangilafang.