Eremyas 51:27 - Fanawbuid tagsibaliwas Fakayabian

²⁷ Fabati sik ramit famasaful te, gawayan wan! Uyupi ngay budyung sa sangay furuan! Falganani laman namawayan talun Babilunya. Sugui ngay talun Ararat, Mini ay Askenas at ngay tagfawayan laman namawayan. Filii yap sik tagfangguna laman namangguna namawayan talun Babilunya. Fadasugi ngay kabayu kayu ngay liung.

Eremyas 51:27 ပူးပေါင်းရင်းမြစ်များ

Fakasigadan 10:3

Ay Gumer at ngay baguama: Askenas, Rifat, ay Tugarma.

Fakasigadan 8:4

Ay gina sis falabi fituk menit sis fafituk magdanun, sakayan lino antungkud sis Buksul Ararat.

2 Fun 19:37

Sik menit, kaduge Senakerib gseg at fagsegan Nisruk sit bale fagnansegan, at baguama fagdua Adramelek ay Sareser nafabul anya siginans fiso. Ay duksay nalagyu sas talun Ararat. Ay at baguama Esarkadun at natubus anya laman sik fun.

1 Krunika 1:6

Ay Gumer at ngay baguama: Askenas, Rifat, ay Tugarma.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 37:38

Sik menit, kaduge Senakerib gseg at fagsegan Nisruk sit bale fagnansegan, at baguama fagdua Adramelek ay Sareser nafabul anya siginans fiso ay duksay nalagyu sas talun Ararat. Ay at baguama Esarkadun at natubus anya laman sik fun.

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Eremyas 46:23

Kanya fagayu namabul ngay taw Igiptu kata nu namuan at marabung fag ngay kayu. Ay kanya fag ngay fawayan ayu yap tua ngay liung yud e mafatap ya.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 50:3

E sik talun ban siginans fawalan fag alvngvdan namawayan talun Babilunya, ay Babilunya ban mabaluanan way lang. Ay wa ban e gbanwan ya sanya aroro at ngay taw anggan at ngay fagbaugun nalagyu wan.

Eremyas 50:9

Aroro gfadasug kban at mabalyanan fag ngay talun at ngay taw tagsiginans fawalan fag alvngvdan. Ay kanya ban fagayu namawayan ay nangagbilug talun Babilunya. Ay at ngay tagfana mafananadan ay mafatayuk.

Eremyas 51:12

Fabati sik ramit famasaful te, namawayan talun Babilunya. Famuti yap ay ngay tagulit, ay agbilugi at furuan. Buknga wan Yawi nu namakamulun at algan laman sas talun Babilunya.”

Eremyas 51:14

Yawi at Mabalyanan nafatuyanan te, “Gfadasug kban sa ayu sik ngay fawayan kayu ngay liung, ay kanya ban fagayu guro te, nababo wami ayu.”

Eremyas 51:28

Fafalganani Medya at ngay fun anggan at ngay tagfangguna ay at ngay tagulit, ay fagayu at fagagbilugun fag ngay talun laman namawayan talun Babilunya.

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Uel 3:9

Fasafuli sa sangay talun at ngay taw te, “Falganani ay ngay sadili. Uroi ay ngay tagfawayan laman namawayan.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Sakaryas 14:2

Aroro ginanya ban Yawi namaful fagayu talun at ngay taw laman namawayan Erusalem. Ay kanya ban fagayu nangagbilug Erusalem, ay nangago fagayu nusnge wain sit ngay bale, ay namakamulun at mauri sa sangay mangena. Kanya fagayu nantaban sik wabilug ngay taw Erusalem sa tangayayu fag talun. Dewa katanya, at kinsawad ban gbanwan yay gugat sit furuan.

Tagfangguna 6:5

Ay kafag ngay taw nu namawayan, gbuba wan at ngay bale ramit ay gtaban wan at ngay fagbaugun, at kayuan kayu sik ngay liung. Ay wa yangay e mafatap anggan at ngay kamelyu. Ay kanya fagayu nafauri ngay taw Israel at talun.