Eremyas 51:24 - Fanawbuid tagsibaliwas Fakayabian

²⁴ “Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:24 ပူးပေါင်းရင်းမြစ်များ

Alubad. 79:10

Wain am fagnaylatun tibak talun nu glong sa emi te, “Dada wan ay Dius?” Kaduge ami gdama, fasudi sa kafag ngay talun at ngay taw, aroro kanya fagayu nafabul am ngay fagsuguan.

Isayas 48:14

Fagayu am mafuli ay dungugani: Sinu fag fagsegan at nafoyung te, ku fagadgalangan ban namawayan Babilunya, laman namakamulun ku algan sanya fag talun? Duan!

Isayas 61:2

Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Isayas 66:6

O gdungug am ngay aringang sis furuan ay sis Yawi at bale? Kanya Yawi at aringang gina gfasud at ngay fawayan.”

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Eremyas 50:10

Kanya ban fagayu namamin talun Babilunya at ngay ramraman ay umfanud ban. Au, Yawi, taglong tuy.

Eremyas 50:15

Am fag ngay talun, uroi faurii talun Babilunya! Damai, talun Babilunya nafababaun wan! Ay at ngay bale tangabat anrasras wan ay at ngay alad anrufa wan. Yawi nafasud sanya fag talun. Nu katanya, fasudi yangay anya ay fakamuluni kata at nafakamulun sa tiba.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:23

Gfamin kyangay ban anggan at ngay fagbaugun, at ngay tagalaga tupa, at ngay tagtanum, at ngay baka ay at ngay tagfangguna ay tiba yak tagulit.

Eremyas 51:35

Ay kanya naiyan emi ay wami saful ya em fakamulun. E namakamulun yay nangus sas talun Babilunya kata at nafakamulun sa emi ay sa em ngay sisian. Umfasud nangus sa sangay taw Babilunya sat nafabulan emi.”

Eremyas 51:49

Rasrasi wan talun Babilunya, aroro kanya nafabul ngay taw Israel ay tiba yak taw sas fagdaul daga.

Eremyas 51:56

Kadasug ban at nanrasras talun Babilunya ay nantaban ban at ngay tagfawayan, ay at godun ban fagayu kalifung wan, aroro au, Yawi, tagfauri fagayu at mauri ay gfaurianan au talun Babilunya at kasakan sa anya.

Takabalu 3:64

Yawi, faurianani wan anya fagayu kata at nafakamulun.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 18:24

Ay Dius at ngay taglong ay at ngay taw at taguk anlag sanya fag furuan daul, ay fagayu at nafabul fag ngay taw sas fagdaul daga.”

At Nafasure 6:10

Kanya fagayu maksvn nu guro te, “Em Fun at mabalyanan, ay at yud e malong ay at matuyan, seduge yaban nu gfanya ami nu namatuyan o ngay taw at asalanan ay nu namasud o sat nafabul emi fag ngay taw tagbanwan sis daga?”