Eremyas 51:22 - Fanawbuid tagsibaliwas Fakayabian

²² Nangagbilug kban emu, laman namamin au ngay mangama ay mangena, ngay fagtainan ay ngay sisian, ngay baguama ay baguina.

Eremyas 51:22 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Isayas 13:15

Fagayu ban at nagamatan e gurus wan.

Isayas 13:16

Ay e gfafalang ban at ngay sisian sit daga salubangan. Ay e namul ban at ngay ramraman ay e namataladan at ngay bubay.

Isayas 13:18

Ay kanya fagayu we afanyu ya gfabul taw Babilunya at ngay baguama siginans banyas. Ay wa yangay e afanyu ya sa sangay sisian.

Isayas 20:4

Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Eremyas 44:7

“Au Yawi at Mabalyanan, Israel at Dius, ginto au te, wain ay fagnafauriun ay ngay sadili? O nunda kaylat wam ngay taw Uda nu kamin, ngay mangama, ngay mangena, ngay baguama ay anggan at bagu kasalug fag ngay sisian?

Eremyas 50:37

Ay faurianan fag fiso tagsumbalian at uyup gfaurianan yangay at ngay kabayu, ay anggan tagsakay sit ngay faguyudan at ke balingkitan, ay fagayu at nanggubuk anya. Kanya fagayu ummomuy kata sik mangena. Ay gbul yangay at ngay ramraman ay gbuba wan.

Eremyas 51:23

Gfamin kyangay ban anggan at ngay fagbaugun, at ngay tagalaga tupa, at ngay tagtanum, at ngay baka ay at ngay tagfangguna ay tiba yak tagulit.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Takabalu 2:21

Ay at kinbul fag ngay sisian ay fag ngay fagtainan grapyagan si sangaba dalan. Ay anggan ngay baguama ay ngay baguina anbul sis fagawayanan. Andotama o anya fagayu, nu katanya, wo nfanyu ya gfabul.

Esekyel 9:6

Namabul am ngay fagtainan, ngay baguama ay ngay baguina, ngay mina ay at ngay sisian, dewa katanya, lag am gfabul ngay taw at marirukan at dangasan. Nu gfabul am, fasigadi siginan ku bale.” Ay taguna at nafabul, ngay tagfangguna sis Yawi at bale.

Deuterunumyu 32:25

Ay ngayu ban takabul sat ngay day bale siginans awayan, ay dewa ban sit basad bale umke malimu. Ay fagayu ban baguama ay baguina, ngay mafagtainan, ay anggan ngay sisian kabul wan.

1 Samwel 15:3

Namawayan ban am ngay taw Amalek ay namamin at ngay ramraman. Ay namabul ban am at ngay mangama, at ngay mangena, at ngay sisian, ay anggan at ngay bagu kasalug, anggan yangay at ngay baka, at ngay tupa, at ngay kamelyu ay anggan at ngay asnu.’ ”