Eremyas 51:21 - Fanawbuid tagsibaliwas Fakayabian

²¹ ay ngay kabayu, ngay faguyudan at ke balingkitan ay at ngay tagsakay.

Eremyas 51:21 ပူးပေါင်းရင်းမြစ်များ

Alubad. 46:9

Kanya nafaragang ngay awayan sas fagdaul daga. Ay nalifung wan at ngay bangko ay at ngay banyas, ay nairug at ngay famalabag.

Alubad. 76:6

Akub at Dius, gina o nasalag, ngay tagfawayan anbul wan, gasfuan at ngay kabayu, ay nu mataygilid kata way nu gtiug.

Nu Galin 15:1

Muisis ay ngay taw Israel galubad sik alubad sas Yawi te, “Galubad au sas Yawi aroro kanya nababo wan. Ay naukas sas dagat ngay kabayu ay ngay tagsakay sanya.

Nu Galin 15:21

Ay Miryam nalubad tuy fag alubad sa anya fagayu: “Fagayu am alubadi, aroro Yawi nababo wa fia. Ay naukas wan sas dagat ngay kabayu ay fagayu tagsakay sanya.”

Nu Galin 15:4

Ay kanya naukas sas dagat ngay faguyudan fangawayan ay Igiptu at fun ay at ngay tagfawayan. Ay Igiptu at fun at ngay tagfakamulun ke ngay fagsafulun ankapnut sas Dagat Maraska.

Isayas 43:17

Nafaful au talun Igiptu at ngay tagfawayan, ay nafalubgub au at ngay faguyudan ay at ngay kabayu, ay wa nlakwi ya. Kanya fagayu kata sik salung at kinrabung.

Eremyas 50:37

Ay faurianan fag fiso tagsumbalian at uyup gfaurianan yangay at ngay kabayu, ay anggan tagsakay sit ngay faguyudan at ke balingkitan, ay fagayu at nanggubuk anya. Kanya fagayu ummomuy kata sik mangena. Ay gbul yangay at ngay ramraman ay gbuba wan.

Esekyel 39:20

Ay kon yangay ban am kabayu ay anggan tagsaful gsakay, ay at maseganama fag ngay tagfawayan.’ Au, Fun Dius Yawi taglong tuy.

Mikas 5:10

Yawi nalong te, “Ginanya ban fag ngay menit, gfabul kban ay ngay kabayu ay giklas ay ngay faguyudan fangawayan.

Naum 2:13

Yawi at Mabalyanan glong te, “Am fag ngay taw Ninibe, dungugani! Ku fawayan am! Nu katanya, nangirug au ay ngay faguyudan ay ay ngay tagfawayan umbul sas fagawayanan. Namaragang kwan ay ngay fakamulun at mauri. Ay wa ban am e tagfosuk ya longan.”

Agay 2:22

Nangiklas kban at ngay fagfagtainanan ay nama yud kban e tungkul at ngay fagmabalyananun. Namadaging kban at ngay faguyudan ay anggan tagsakay. At ngay kabayu ban umbul, ay at ngay tagsakay ban gfadfabulan.

Sakaryas 10:5

Kanya fagayu gadgaloan kata ngay tagfawayan at mabitsug tagbabo at ngay fawayan ay gsiad kata lifak si sangaba dalan. Kanya fagayu makatu gfawayan aroro galo au anya, ay namabo ngay tagakabayuan.

Sakaryas 12:4

Dewa katanya, namalimu au kafag ngay talun at ngay kabayu ay namalakayan at ngay tagsakay. Au, Yawi, glong au te, nangulit au ngay taw Uda, ay namadarafun au at fawayan at ngay kabayu.

At Nafasure 19:18

laman kon ngay fun ayu daul at ngay bilug, ay ngay fun tagfawayan at ngay bilug, ay at mabalyanan fag ngay taw at ngay bilug, ay at ngay kabayu at ngay bilug, ay fagayu taw tagsakay at ngay bilug, ay fagayu taw at ngay bilug, dewa sik fagsuguan ay yud fagsuguan, ay sik takadungug ay at yud kadungug.”