Eremyas 51:13 - Fanawbuid tagsibaliwas Fakayabian

¹³ Talun Babilunya, ngayu tagsi emu liskung ke mamam tua gugat, ay ngayu yangay am ramraman. Dewa katanya, andasug wan am fakatabuan fag menit nu gafaurianan o.

Eremyas 51:13 ပူးပေါင်းရင်းမြစ်များ

Fakasigadan 6:13

Nu katanya, Yawi nalong sas Nui te, “Namamin kban fagayu taw. Aroro at fagmauriun sak gfabusbus taguk, ay anrapyag wan sas fagdaul daga. Namamin kban anya fagayu gasfuan ngay tagleleg sas fagdaul daga.

Alubad. 137:1

Gina ami sis talun Babilunya, namalunggung ami si sangay liskung at tigyangan ay nawayway, aroro namatang ami Siun fag furuan daul.

Isayas 43:14

Ngay taw Israel, Yawi ay tagfalangfe, ay ay Dius at yud e malong glong te, “Namadasug au sas Babilunya sik ngay tagfawayan tagsiginan tibak talun, ay ngay taw Babilunya glagyu gsakay sit fakamatungudunun fag ngay sakayan lino. Namakamulun kban takatanya laman sa ayu.

Isayas 45:3

Ay gfon kban emu nusnge wain fag ngay ramraman at mafasuksukan, laman sumaful o te, au Yawi, Israel at Dius, at nauro emu.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Eremyas 17:11

Sik taw at kinramraman siginan at yud masine fag balyawvtan kata way sik fanginan taglub sit yud sadili iklug. Ay gina ban swabilug at leleg, at ramraman ban umkalyam wan, ay umtuyan te, sik yud way e fagsafulun.”

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 50:31

“Au, ay Fun, Yawi at Mabalyanan, glong au te, o takamatungudun fag talun Babilunya, ku fawayan o! Aroro buknga wan nu gfaurianan au emu.

Eremyas 50:37

Ay faurianan fag fiso tagsumbalian at uyup gfaurianan yangay at ngay kabayu, ay anggan tagsakay sit ngay faguyudan at ke balingkitan, ay fagayu at nanggubuk anya. Kanya fagayu ummomuy kata sik mangena. Ay gbul yangay at ngay ramraman ay gbuba wan.

Eremyas 51:36

Yawi glong te, “Ngay taw Erusalem, ggubuk au ayu ay namasud au laman sa ayu; namalanggang au dagat ay ngay bulbug tagsis talun Babilunya.

Takabalu 4:18

Em ngay fawayan glag way em ngay leleganan, ay wami maduksun ya sa em ngay dalan. Matapan way lang em ngay menit, ay munakbang wan em fakatabuan.

Daniel 5:26

“At masuad: Mene: Dius natap at sawad fag ngay menit nu gfunan o ay nafatabu wan.

Amus 8:2

Ay nainto angku te, “Amus, nataw am lagan?” Ay nabalus au te, “Sik ngay rawvg malesanan masuadan sad sabi.” Ay Yawi nalong sa angku te, “Andasug wan ku ngay taw Israel at fakatabuan. Kwa kafanyu ya anya fagayu.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

At Nafasure 17:1

Ay sanya ginan, kafag fituk tagbarita at ke buba fituk taya, at sadi ankakbang sa angku ay glong te, “Gewan, namalag au sa emu at faurianan sat takamatugtug fag mangena. Kanya fag mangena at masuad, kafag furuan daul at munakbang sis liskung at ke mamam gugat.

At Nafasure 17:15

Ay kafag tagbarita nalong yangay sa angku te, “Am nalag fag ngay mamam, kafag mangena takamatugtug at fagmalunggungan, kanya ngayuk gaban taw, ay ngayuk taw siginans ngayuk talun, ay ngay taw tagsaman at fangaringang.

At Nafasure 18:19

Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!