Eremyas 51:11 - Fanawbuid tagsibaliwas Fakayabian

¹¹ Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:11 ပူးပေါင်းရင်းမြစ်များ

1 Fun 11:14

Yawi nafadasug sas Sulumun sik fawayan at ngayan Adad, sik taw Edum. Adad, siginan talun Edum at fun at kasugfunanan.

1 Fun 11:23

Ay Dius nafadasug yay fia sas Sulumun sadi yak fawayan, at ngayan Resun, Elyada at baguama. Elyada ebi nalagyu siginan at tagfayafun Adadeser, talun Suba at fun.

1 Krunika 5:26

Nu katanya, Israel at Dius naylat Pul (at ngayan yangay te, Tiglat-Pileser), Asirya at fun, nu namawayan kanya fagayu. Ay fun Pul nataban Rubin ay Gad, ay Manase fag wabilug kasugfunanan, ay nataban sas Kalak, sas Kabur, sas Ara ay sas day Liskung Gusan, ay dasug katsi kanya fagayu gbanwan sanya.

2 Krunika 36:22

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan.

Esra 1:1

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan:

Isayas 10:26

Au Yawi at Mabalyanan, gfaurianan kban anya fagayu kata ebi ku nafakamulun sa sangay taw Midyan munakbang sis Gang Ureb, ay kata yangay ku nafakamulun sa sangay taw Igiptu gina au nafalubgub anya fagayu sasad dagat.

Isayas 21:2

Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Isayas 21:5

Sis Babilunya at ngay fagtainan gfalganan sik yafun daul, ay nasagmak sanya at ngay faglunggungan, ay kanya fagayu gfangon ay ginum. Ay e nauro te, “Falganani wan! Namawayan wam.”

Isayas 41:25

Nafili au sik taw siginans wala fag alvngvdan laman namagtainan. Kanya kakbang tua angku, ay katsi kanya kadasug siginans fakamenitan. Kanya ban namamin ngay tagfunan kata sik takawat tikung nu gsiad lifak laman gfalganan at fangawat tikung.

Isayas 45:1

Katatuy Yawi at longan sas Sirus, sat nafili ay sat nafae fagmabalyananun fag fun. “Namagbilug au sa emu ngay talun at ngay taw, ay namababawan au sa emu ngay fun, ay nanggubuk au emu nanluang ngay furuan at ngay sakbawan ay we madingding.

Isayas 45:5

Au wan Yawi, we tiba yak dius sas day angku. Nafabitsug au emu gina o yud natoglag angku,

Isayas 46:11

Guro kban sik taw siginan tangayayu fag talun sibaliwas fakamenitan, kanya ban at namafasludan ku ngay algan. Ay kanya ban namakata au sik bio at madot. Namakamulun kban ku ngay nalong ay ku ngay algan.

Eremyas 25:25

Simri, Elam, Medya,

Eremyas 46:3

“Falganani ay ngay famalabag. Suluni ay ngay fangalfuyu ay fataresi ay ngay bangko ay taudi ay ngay famawayan. Falganani yangay ay ngay kabayu ay loi sas awayan!

Eremyas 46:9

Ngay taw Igiptu, fatarungi wan ay ngay kabayu ke ngay faguyudan fangawayan! Fagayu am ay anggan ay ngay fagudgubukan fag ngay taw Etiupya, Put, ay Lidya tagsaful gagbilug ngay famalabag ay godun.

Eremyas 50:25

Naluang kwan ku fagfasuksukan ngay famabul ay nafaduksun kwan kafag ngay famabul aroro kadotama au maksvn. Au, ay Fun, Yawi at Mabalyanan at ke algan namaurianan ayu, tagbanwan sis talun Babilunya.

Eremyas 50:3

E sik talun ban siginans fawalan fag alvngvdan namawayan talun Babilunya, ay Babilunya ban mabaluanan way lang. Ay wa ban e gbanwan ya sanya aroro at ngay taw anggan at ngay fagbaugun nalagyu wan.

Eremyas 50:45

Nu katanya, dungugani, katatuy ku algan ku fagnamakamulunun sas talun Babilunya: Gtaban kban at ngay sisian ay nanrasras kban at ngay fagbanwanan.

Eremyas 50:9

Aroro gfadasug kban at mabalyanan fag ngay talun at ngay taw tagsiginans fawalan fag alvngvdan. Ay kanya ban fagayu namawayan ay nangagbilug talun Babilunya. Ay at ngay tagfana mafananadan ay mafatayuk.

Eremyas 51:12

Fabati sik ramit famasaful te, namawayan talun Babilunya. Famuti yap ay ngay tagulit, ay agbilugi at furuan. Buknga wan Yawi nu namakamulun at algan laman sas talun Babilunya.”

Eremyas 51:24

“Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:35

Ay kanya naiyan emi ay wami saful ya em fakamulun. E namakamulun yay nangus sas talun Babilunya kata at nafakamulun sa emi ay sa em ngay sisian. Umfasud nangus sa sangay taw Babilunya sat nafabulan emi.”

Eremyas 51:36

Yawi glong te, “Ngay taw Erusalem, ggubuk au ayu ay namasud au laman sa ayu; namalanggang au dagat ay ngay bulbug tagsis talun Babilunya.

Daniel 5:30

Ay ginanya fag yabi, e nafabul Belsasar, Babilunya at fun,

Uel 3:10

Ay ngay fangali daga awati sik ngay fiso tagsumbalian at uyup, ay ngay fanggafas awati ngay bangko. Dewa at ngay mamomuy fag ngay taw makatu way gfawayan.

Uel 3:9

Fasafuli sa sangay talun at ngay taw te, “Falganani ay ngay sadili. Uroi ay ngay tagfawayan laman namawayan.

Lebitiku 26:25

Gfadasug kban sa ayu ay ngay fawayan laman namaidapan ayu aroro wam nafaning tam nasadian. Dewa ban am nasuksuan sa ay furuan, gfaurianan kyay ban fia ayu, ay gafabulunan ban am namababaun sa ay ngay fawayan.

Sakaryas 14:12

Yawi ban namadasug at maksvn fag faurianan sa sangay talun at nanamawayan Erusalem: Ginanya ban fag menit, kanya fagayu at bilug, ay at mata, ay anggan at leplep kadan dewa yay gleleg.

Sakaryas 14:2

Aroro ginanya ban Yawi namaful fagayu talun at ngay taw laman namawayan Erusalem. Ay kanya ban fagayu nangagbilug Erusalem, ay nangago fagayu nusnge wain sit ngay bale, ay namakamulun at mauri sa sangay mangena. Kanya fagayu nantaban sik wabilug ngay taw Erusalem sa tangayayu fag talun. Dewa katanya, at kinsawad ban gbanwan yay gugat sit furuan.