Eremyas 50:6 - Fanawbuid tagsibaliwas Fakayabian

⁶ “Ku ngay taw kata sik ngay tupa at nalyam. Aroro at ngay tagulit nafalibangun anya fagayu sa sangay fungsu ay sa sangay buksul ay kanya ban fagayu wa saful ya gtvbtvban at dalan gina kafoli.

Eremyas 50:6 ပူးပေါင်းရင်းမြစ်များ

Alubad. 116:7

Yawi matuyan tua sa angku. Nu katanya, mafae fagmanabayanun ktua ku amatanganan.

Alubad. 119:176

Kata au sik tupa at nalyam yud nasaful dalan, nu katanya, rvbvyi angku am fagsuguan, aroro dakdi nalyam am ngay suguan.

Alubad. 23:2

Ay gfafiangalay angku kata sik tupa sa sik fagnamafangonan tangayu at makmak, ay gtabanan angku sat manabayan fag bulbug.

Alubad. 32:7

O wan ku fagsuksuanan; gdiri tuo angku sis buknga fagidapun. Ay nafoyung o sa angku ngay alubad sabaliwa nu gfalangfe o.

Alubad. 90:1

Em Fun, siginan ebi, o wan em fagsarigan.

Alubad. 91:1

Tiba Tungud fag Dius at mabalyanan, gfae fagbanwanan tua nusnga sinu tagsarig sa anya.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Eremyas 10:21

Anfasludan sa antam takatatuy fagayu, aroro tam ngay tagfangguna kata way sik ngay taw at yud e fagsafulun, ay wa nanangakbang sas Yawi laman nanget gubuk. Nu katanya, kanya fagayu nababawan, ay at fagfunanun fag ngay taw nalagyu wan.

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 23:1

Yawi, Israel at Dius, glong te, “Am fag ngay tagfangguna ku ngay taw afanyuan am! Am wan ku fagfatigwanan tagalaga ku ngay taw kata sik tagalaga ngay tupa, dewa katanya, nafabayan am kanya fagayu nu kabul ay nu gfanaruayan. Takatanya ay nafakamulun, nafasaruayan wayam ku ngay taw. Nu katanya, namaurianan au ayu. Anud wan, namaurianan au ayu aroro sa ay ngay nafakamulun at mauri.

Eremyas 3:23

Anud nasalan ami siginan nu nanseg ami ngay fagsegan sa sangay tungud buksul. Yawi em Dius, o way lang ngay taw Israel at tagfalangfe.

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Eremyas 33:12

Yawi at Mabalyanan nalong yay fia te, “Katsi kanya fag talun dewa mabaluanan way aroro we taw ay we fagbaugun ya tagbanwan sanya, sik menit ban umke ngay fagnamafangonan sas fagayu furuan laman ngay tagalaga fagbaugun at fagnamafangonan at ngay fagbaugun.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 50:19

Dewa katanya, gfafoli kban ngay taw Israel sat talun. Ay kanya ban fagayu umkata sik ngay tupa tagfangonan sis buksul Karmel, ay sis datag Basan, ay tagsis Efraim ay sis Gilyad fag ngay buksul, ay kanya fagayu umkapsug.

Esekyel 13:10

“ ‘Kanya fag ngay taglong nafamuag sa ku ngay taw, siginan nu glong te, fagayu manabayan way, ay aroro mangaro wa manabayan. Kafag ngay taglong kata way lang nu nadafut afug ay lifak sit yud mogat fag afud alad gang, ngay taw at nawat.

Esekyel 34:14

Nangalaga kban anya fagayu sat marabung fia fag fagfafangonan tagsi sangay buksul sis Israel. Ay kanya ban fagayu gfiangalay ay gfangonan.

Esekyel 34:15

Au, Fun Dius Yawi, galaga kban fia ay gfafiangalay ku ngay tupa.

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Mateu 10:6

Sai yakman ngay taw Israel. Aroro kafag ngay taw kata sik ngay tupa at nalyam.

Mateu 15:24

Ay Isus gbalus te, “Ku fagindasugun sa way lang ngay taw Israel takata at nalyam fag ngay tupa.”

Mateu 9:36

Ay Isus nu nalag kanya fag ngay taw, anfanyu, aroro gidapan ay we ggubuk, aroro kanya fagayu kata way ngay tupa at yud e galaga.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.