Eremyas 50:4 - Fanawbuid tagsibaliwas Fakayabian

⁴ “Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Eremyas 50:4 ပူးပေါင်းရင်းမြစ်များ

2 Krunika 7:14

ay ku nauro fag ngay taw nu kamababaun tua, ay gdarangin, ay kakbang tua sa angku, ay gubun tua at ngay fakamulun at mauri, gdungug au anya siginans banwa ay gfalyam au at ngay fagmauriun, ay gdog kyay ban gfayu at gutluan siginan at daga.

Alubad. 105:4

Akbangi sas Yawi, ay afanudi te, siginan tua anya fagmabitsugun, ay masadii tua gugat sa anya.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 45:19

Ku ngay nalong di e masuksuk. Kwa ro nalong sas Akub at ngay kasugfunanan te, ‘Rvbvyi angku,’ nu dway ro e fagsegun te, lumag ro angku. Au wan Yawi, ku ngay nalong matuyan. Glong au fagayu at masine.”

Isayas 55:6

Akbangi sas Yawi ay darangini kaduge kanya munakbang si ayu, laman kanya ggubuk ayu.

Isayas 63:4

Nafakamulun au takatanya, aroro andasug wan fag menit nu gfaurianan au ku ngay fawayan ay nu gfalangfe au ku ngay taw.

Eremyas 31:31

Yawi nalong te, “Kadasug ban sik buknga, nangawat kban sik bagu fag nasadian sa sangay taw Israel ay sa sangay taw Uda.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Eremyas 41:6

Ay Ismael nu naduksun siginans Mispa, gwayway ay nafablang ngay taw ay glong te, “Gewan, nanlag am at kinfasludan sas Gedalya.”

Esekyel 16:61

Nu katanya, gamatang ban o am ngay nafakamulun, ay umkapla ban o, ay kaugat waban nu nafagamut au sa emu am faduksay Suduma ay Gumura fag duak mangena, kanya fag ngay taw deyud kataip si ta nasadian.

Esekyel 39:25

“Nu katanya, au, Fun Dius Yawi, glong au te, katsi nangafanyu kwan ngay taw Israel, Akub at kasugfunanan. Namadog kwan namaramraman kafag ngay taw, laman ban kanya fagayu namauseganan ku ngayan yud e malong.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 11:10

Galo am angku nung au gsubang kata sik liun. Ay gina au gsubang, masakit nu guli am siginans fakayabian.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Santiagu 4:9

Abalui ay waywayi. Abat ngate am kase, abalui way. Ay abat ngate am guseganan, afanawai way.