Eremyas 50:36 - Fanawbuid tagsibaliwas Fakayabian

³⁶ Ay namaurianan yangay takamuagan fag ngay taglong ay kanya fagayu umsik yud e fagsafulun! Ay namaurianan yangay at ngay tagfawayan, ay kanya fagayu umlimu maksvn!

Eremyas 50:36 ပူးပေါင်းရင်းမြစ်များ

Eremyas 49:22

Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Naum 3:13

Damai ay ngay tagfawayan, kanya fagayu mamomuy! Ay ay furuan daul at sakbawan umkirug wan, nu katanya, ay ngay fawayan masakit nu gsakbo.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

1 Timuteu 6:4

kanya sik takamatungudun ay at yud way e fagsafulun. Kanya kaylat kamawayan ay kamabadbaboan, ay siginan takatanya anke fagfangalabianun, ay fagfangadotamaun, ay fakamalingunun, ay fakadkasulupanun.

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

Naum 3:7

Ay kanya fagayu glong te, ‘Anrasras wan furuan Ninibe. We kabalu ya ay gfasun anya.’ ”

Naum 2:8

Ngay taw at nalagyu siginans Ninibe kata sik mamam tagfamilugan siginan at marufan fag fagsuadan. At ngay fadgaloan nanguro at nalagyu laman kafoli ay nusdi sadi we nfoli.

Eremyas 51:32

Naago wan fagdifean liskung ay nairug wan at ngay sigboan ay anlimu wan ngay tagfawayan.”

Eremyas 51:30

Babilunya at ngay tagfawayan umragang nu gfawayan ay maragangan way lang sit fagmafulan. Kanya fagayu ummomuy kata sik mangena. Ay tagsis Babilunya fag ngay bale umkirug ay at ngay dingding sakbawan umrasras wan.

Eremyas 51:23

Gfamin kyangay ban anggan at ngay fagbaugun, at ngay tagalaga tupa, at ngay tagtanum, at ngay baka ay at ngay tagfangguna ay tiba yak tagulit.

Eremyas 50:30

Ginanya ban fag ngay menit, at ngay baguama anggan fagayu at tagfawayan kabul sas fagaweanan.

Eremyas 48:30

Au Yawi, nasaful au te, kaksvn nya nu kamatungudun am, dewa katanya, we tungkul.

Isayas 43:14

Ngay taw Israel, Yawi ay tagfalangfe, ay ay Dius at yud e malong glong te, “Namadasug au sas Babilunya sik ngay tagfawayan tagsiginan tibak talun, ay ngay taw Babilunya glagyu gsakay sit fakamatungudunun fag ngay sakayan lino. Namakamulun kban takatanya laman sa ayu.

2 Krunika 25:16

Ay gina kanya fag taglong garingang, fun nalong te, “Wain am fagfoyungun angku? O nunda nafili au emu laman ku takamoyung? Lag garingang ya, mafabul au emu!” Nu katanya, kanya fag taglong nafaragang wan nu garingang nu nalong wan sas fun te, “Matuyan wan Dius ban gfaurianan emu aroro naseg o kafag ngay fagsegan ay wo nadungugan anya.”

2 Samwel 17:14

Nu katanya, Absalum ay anggan at ngay tagfakamulun sis Israel glong te, “Kusay at famalun, amasine yap tua sas Akitufel at famalun.” At mafanud, Akitufel tua at famalun at matuyan, dewa katanya, Yawi naylat Absalum nu yud gfaning, laman kanya gababawan.

2 Samwel 15:31

Ay e nalong sas Dabid te, “Akitufel galo wan Absalum.” Nu katanya, Dabid gdarangin te, “Yawi, lag gfae tungkul Akitufel at ngay nalong.”