Eremyas 50:34 - Fanawbuid tagsibaliwas Fakayabian

³⁴ Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Eremyas 50:34 ပူးပေါင်းရင်းမြစ်များ

2 Krunika 6:39

dungugani anya fagayu sis banwa am fagbanwanan, ay balusi at ngay fagetun ay fababoi, ay falyami ban at ngay asalanan sa emu.

Ub 19:25

Dewa katanya, nasaful kwa te, ku tagfalangfe gleleg tua, ay abandi ban kanya umdasug stie sdaga.

Alubad. 35:1

Yawi, fabadbaboani ku ngay fabadbaboan. Ay fawayani ku ngay fawayan.

Alubad. 43:1

Dius, foyungi sa sangay taw te, kdi e asalanan. Balabagi angku siginan at mauri fag ngay taw, ay falangfei angku siginans ngay tagfandaya.

Nu Galin 6:6

“Nu katanya, longi sa sangay taw Israel te, ‘Au wan Yawi. Gfalfas kban ayu siginans fagidapun ay siginan nu gafagsuguanan am sa sangay taw Igiptu. Siginan ku fagmabalyananun, maksvn fag faurianan ku fagnamadasugun sa sangay taw Igiptu. Ay gfalangfe kban ayu.

Fangatulun 22:23

aroro Yawi taggubuk tua at ngay yud e kwa.

Fangatulun 23:11

Aroro Yawi tua taggubuk ay at namababo anya.

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 43:14

Ngay taw Israel, Yawi ay tagfalangfe, ay ay Dius at yud e malong glong te, “Namadasug au sas Babilunya sik ngay tagfawayan tagsiginan tibak talun, ay ngay taw Babilunya glagyu gsakay sit fakamatungudunun fag ngay sakayan lino. Namakamulun kban takatanya laman sa ayu.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Isayas 47:4

Tam Tagfalangfe, Yawi at Mabalyanan, Israel at Dius at yud e Malong.

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 51:22

Katatuy ay Fun Yawi at longan: “Dungugani! Nafalyam kwan nu kadotama au ayu, takata sik fanlangu at nafaranug ayu. Kwa ban gdog ya gfainum ayu.

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 15:21

Ay gfalangfe kban emu sa sangay taw at mauri ay at madot.”

Eremyas 30:20

At ngay sisian ban umsik maramraman kata ebi taguna. Gfaksvn kban anya fagayu si ku daga salubangan, ay gfaurianan kban nusnga sinu tagfalingun anya fagayu.

Eremyas 31:11

Gfalangfe kban Akub at ngay kasugfunanan siginan sa ngay taw tagtungud tua anya nu mabalyanan.

Eremyas 31:35

Au, Yawi tagsugu menit laman gyamag fagngabak menit, ay au wan tagsugu magdanun ay ngay galeme laman gyamag fagngabak yabi. Ay au yangay tagfauigan dagat ay tagfafawas ngay lugwak. Au, Yawi at Mabalyanan, taglong tuy.

Eremyas 32:18

Nafalag o am fakafanyun sas ngayuk libuk taw, dewa katanya, gfaurianan o at ngay sisian aroro sat ngay fagtainan at ngay asalanan. Dius mabalyanan o, am ngayan Yawi at Mabalyanan.

Eremyas 48:15

Dewa katanya, talun Muab ban karasras wan anggan at fagagbilugun fag ngay furuan. Ay e gfabul ban at ngay baguama at maseganama. Au, Yawi at Mabalyanan, taglong tuy.

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 51:36

Yawi glong te, “Ngay taw Erusalem, ggubuk au ayu ay namasud au laman sa ayu; namalanggang au dagat ay ngay bulbug tagsis talun Babilunya.

Takabalu 3:58

Fun Dius, nagubuk tuo angku sa ku fagidapun, ay nafalangfe tuo ku leleg.

Uel 2:11

Yawi at aringang kata sik lingsi gina gsugu at ngay tagfawayan at maseganama ay tangayu. Ay kanya fagayu gfaning tua at suguan. Yawi at nafalganan fag menit gina ban namaurianan maksvn nu malimu. Sinu ro at magwanta?

Mikas 7:9

Aroro nafamabo way tam Yawi, agwantani wan at faurianan, yakmay nagubuk ay nafae fagmatuyanun antam. Nu katanya, Yawi gfalangfe wa fia antam, ay namae fagmanabayanun.

At Nafasure 18:8

Nu katanya, sik menit ban gasfuan way nu kadasug faurianan, fakabulun ay fakabaluun ay fanlunus, ay sik afuy nangirug ban anya, aroro mabalyanan tam Fun Dius tagfaurianan anya.