Eremyas 50:31 - Fanawbuid tagsibaliwas Fakayabian

³¹ “Au, ay Fun, Yawi at Mabalyanan, glong au te, o takamatungudun fag talun Babilunya, ku fawayan o! Aroro buknga wan nu gfaurianan au emu.

Eremyas 50:31 ပူးပေါင်းရင်းမြစ်များ

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Eremyas 21:13

Ku ngay fawayan fag ngay taw Erusalem tagbanwan sis tungud buksul fag datag, kamatungudun am glong te, “We manamawayan antam ste tam fagbanwanan at mogat!”

Eremyas 48:29

At kaksvn nu kamatungudun am. Nadungug au nu se aksvn nu kamatungudun am kamanagsag.

Eremyas 49:16

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu. Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 50:32

O takamatungudun, umrasras ban o ay wa ban e ggubuk ya gfalunggung emu. Nangirug kyangay ban am ngay furuan tagsim ligung.”

Eremyas 51:25

O, talun Babilunya, ku fawayan way o, nafangayan emu te, Tagfanrufa fag Buksul. Gfanrufa o fagdaul daga. Siginan ku fagmabalyananun nanrasras au ay nangirug emu.

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Esekyel 38:3

Nanlong o sa anya te, ‘Au, Fun Dius Yawi, glong au te, Gug, talun Mesek ay Tubal at tagfangguna, ku fawayan o.

Esekyel 39:1

Yawi nalong sa angku te, “Taw at baguama, nangaringang o at mauri sas Gug, nanlong o anya te, ‘Au, Fun Dius Yawi, glong au te, Gug, ku fawayan o, o fag tagfangguna sis Mesek ay sis Tubal.

Esekyel 5:8

Nu katanya, Au, Yawi ay Fun, kadotama au ayu. Namaurianan kban ayu sa sangay talun at daga salubangan.

Naum 2:13

Yawi at Mabalyanan glong te, “Am fag ngay taw Ninibe, dungugani! Ku fawayan am! Nu katanya, nangirug au ay ngay faguyudan ay ay ngay tagfawayan umbul sas fagawayanan. Namaragang kwan ay ngay fakamulun at mauri. Ay wa ban am e tagfosuk ya longan.”

Naum 3:5

Yawi at Mabalyanan nalong te, “Am fag ngay taw Ninibe, dungugani! Ku ngay fawayan am! Nu katanya, namapla au ayu sis salubangan ngay talun ay sa sangay fagfagtainanan. Umkata am sik mangena at naurug at lanbung sitsigon at alfuyu ay anlag nu malulasan.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”

At Nafasure 18:8

Nu katanya, sik menit ban gasfuan way nu kadasug faurianan, fakabulun ay fakabaluun ay fanlunus, ay sik afuy nangirug ban anya, aroro mabalyanan tam Fun Dius tagfaurianan anya.