Eremyas 50:20 - Fanawbuid tagsibaliwas Fakayabian

²⁰ Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Eremyas 50:20 ပူးပေါင်းရင်းမြစ်များ

Alubad. 103:12

Ay nu seyayu fakamenitan sas fakayabian, katanya yangay nu gfayayu antam siginan tam ngay asalanan.

Alubad. 17:3

Nainsaful o ku amatanganan, ay dewa sad yabi nafaskud o angku. Ay wo e nalag si angku nusnga setaw fag asalanan, ay kwa nalong at mauri kata tibak taw at fakamulun,

Alubad. 85:3

ay nafalyam yangay o am dotama.

Isayas 1:9

Yawi at Mabalyanan ro way nafasawad ya antam, ankata wa ro tam Suduma ay Gumura.

Isayas 10:21

Ay at kinsawad ban at ngay amatanganan umfoli sat Mabalyanan fag Dius.

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Eremyas 33:8

Namasine kban anya fagayu ay namalyam at ngay asalanan at nafakamulun sa angku.

Eremyas 44:14

Fagayu ban am at kinsawad fag ngay taw Uda at nanamanwan sas talun Igiptu kabul waban am. Wa ban am malagyu ya sas Uda dewa am kaylat yay kafoli ay namanwan sanya. Wa ban am mauli ya nu bunway nusnga sinu way lang ban at nalagyu.”

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Takabalu 4:22

Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Esekyel 18:22

At ngay asalanan ban kalyam yay aroro nafakamulun tua at masine ay ngaduge tua ban nu gleleg.

Mikas 7:19

Gdog yay ban o kafanyu emi ay gfalyam em ngay asalanan kata ebi am nafakamulun, ay nangukas o sasad fagngabasadan dagat.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

Sakaryas 3:9

Uswe, damai ku nafasa am daga salubangan fag gang. Kafag gang e fituk tagis ay namagaruy au tuy, ay sik menit way ban nu gbul au taw Israel at asalanan ay gfalyam kwan.

Tap 23:21

Kwe nalag faurianan ay fagidapun takadasug sas Israel. Yawi galo anya fagayu; ay ngay taw gafanud te, kanya wan at fun.

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Ruma 11:6

Dius nu gfili ngay taw siginan tua at fagmagalangun, ay bundi siginan kafag ngay taw at fakamulun. Aroro Dius nu gfili taw nu siginan way taw at fakamulun, wa ro e masuad Dius at fagmagalangun.

Ruma 5:16

Dius at fagmagalangun ay Adan at asalanan gbia tua at nagsamanan. Aroro asalanan at fungfung sa ways faurianan. Ay dewa katanya, siginan Dius at fagmagalangun, ngayuk taw antap kata nu yud e asalanan, dewa ngayu at asalanan.

Ruma 6:13

Lag am gfon ay bilug at ngay afud sas asalanan laman gfakamulun am at mauri, nu bunway foni ay sadili sas Dius aroro kanya nafadog tua nafaleleg ayu siginans fagmabulanan. Ay foni ay bilug at ngay afud sas Dius, ay ugalii kata sik ngay taw at nadog naleleg siginans fagmabulanan.

2 Pedru 3:15

Amatangani tam Fun fagnafae bukngaun yay laman umlangfe tuam. Kata tam fakesugun tam faduksay Pablu at rirukan sa ayu siginan Dius at nafon sa anya fag fagsafulun.