Eremyas 50:2 - Fanawbuid tagsibaliwas Fakayabian

² “Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 50:2 ပူးပေါင်းရင်းမြစ်များ

Alubad. 64:9

Ngay taw sas fagdaul daga umlimu ban, ay gamatangan Dius at ngay nafakamulun ay gfoyung sat ngay iba.

Alubad. 96:3

Foyungi sas fagayu talun at ngay taw te, Yawi mabalyanan ay at ngay nafakamulun madulo.

Alubad. 97:7

Fagayu taw tagseg ay takamanagsag sa tibak ngay fagsegan, umkapla. Ay fagayu ban fagsegan nantudan sas Yawi.

Isayas 12:4

Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

Isayas 13:2

Fabati sik fakatoglagan fag ramit sas tungud buksul at yud e kayu. Ay uroi daul ay yafei sa sangay tagfawayan laman nanakbo ay namawayan at mabalyanan fag ngay taw at furuan.

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Isayas 39:1

Ginanya, Merudak-Baladan, Baladan at baguama, Babilunya at fun, nadungug te, Esekyas at fakasaitun anfia wan. Ay nu katanya kanya nasugu ngay fagsuguan ay nafabuba sas Esekyas sik ngay rirukan ay sik famonun.

Isayas 46:1

Babilunya at ngay fagsegan, Bel ay Nebu, mataygilid sis asnu at faguyudanun. Kanya mabyat, ay tagguyudan fag asnu kalufuy.

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 48:6

Nadungug wam ebi ku ngay algan, ay nalag yangay am nu kafasludan fagayu, dewa katanya, wam gafanud te, au at nafafasludan. Siginan katsi, glong kwan takafasludan ban ku yud yay batang gfoyung sa ayu, ay fagyudun yay saful.

Eremyas 10:11

Nu katanya, nanlong am sa anya fagayu te, “Kafag ngay fagsegan at yud nawat banwa ay fagdaul daga, umkalyam wan siginans banwa ay fagdaul daga.”

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 4:6

Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Eremyas 46:14

“Foyungi ku longan sas talun Igiptu, sa sangay furuan Migdul, Memfis, ay Takpanes: Falganani aroro mafalganan wan fiso tagsumbalian at uyup laman namabul ayu.

Eremyas 50:46

Ay at kaksvnan ban ngay taw Babilunya nu gatabanan, daga guigan ay kanya ban fag ngay taw nu gwayway kadungug sas fagdaul daga.”

Eremyas 51:12

Fabati sik ramit famasaful te, namawayan talun Babilunya. Famuti yap ay ngay tagulit, ay agbilugi at furuan. Buknga wan Yawi nu namakamulun at algan laman sas talun Babilunya.”

Eremyas 51:27

Fabati sik ramit famasaful te, gawayan wan! Uyupi ngay budyung sa sangay furuan! Falganani laman namawayan talun Babilunya. Sugui ngay talun Ararat, Mini ay Askenas at ngay tagfawayan laman namawayan. Filii yap sik tagfangguna laman namangguna namawayan talun Babilunya. Fadasugi ngay kabayu kayu ngay liung.

Eremyas 51:31

Ngay tagfosuk longan andasug laman nanlong sas Babilunya at fun te, ‘E nagbilug wan fagdaul am talun.’

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Eremyas 51:47

Nu ndasug ban at buknga, namaurianan kban ngay fagsegan sis talun Babilunya ay fagayu ban taw tagbanwan sanya fag talun umkapla. Ay fagayu ban at kinbul matangda way lang ngayu.

Eremyas 51:52

Dewa katanya, sik menit ban namaurianan kwan talun Babilunya at ngay fagsegan. Ay at nabasingan ban fag ngay taw Babilunya gidapan ay gfandeng, ay umdungug sas fagdaul at talun.

Eremyas 51:8

Masakit talun Babilunya nu karasras! Abalui wan anya! Namafia am at ngay nabasingan, bangaran ban umfia yay.”

Eremyas 52:31

Ay gina sis fatuluk safulu e fituk banwa, Yuyakin, Uda at fun, nu maubungan, Ebil-Merudak ansik fun sis Babilunya, ay kanya nafalfas Yuyakin siginan at fagubungan sis faduak safulu e limak menit sis falabi duak magdanun ginanya fag banwa.

Eremyas 6:18

Nu katanya, Yawi nalong te, “Ngay talun at taw dungugani ay damai fia takafasludan sa ku ngay taw.

Daniel 1:2

Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.

Daniel 3:14

Ay nu ndasug sas fun at daga salubangan, fun nainto te, “Sadrak, Mesak ay Abednegu, o matuyan te, wam gfaning ku ngay dius ay wam naseg ku nafawat fag fagsegan?

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

At Nafasure 18:2

Ay kanya maksvn nu guro te, “Anrasras wan at mabalyanan fag furuan daul Babilunya, ay katsi tagbanwan sanya, at mauri fag ngay falad, kanya at mauri fag ngay taw yabi, ay at mauri fag ngay manuk tungud, ay at mauri fag ngay mangilafang.