Eremyas 50:17 - Fanawbuid tagsibaliwas Fakayabian

¹⁷ “Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 50:17 ပူးပေါင်းရင်းမြစ်များ

2 Fun 15:19

Gina Tiglat-Pileser, Asirya at fun, nalao laman namawayan Israel, Menakem nafon anya tuluk safulu e limak fabudbungguan salapi laman kasadi sa anya ay kaaksvn nu gfunan sis Israel.

2 Fun 15:29

Gina Peka gfunan, Asirya at fun Tiglat-Pileser nasakbo sas Israel ay kanya naago ngay furuan Iyun, Abel-Bet-Maaka, Anuak, Kedes ay Kasur, ay kanya naago yangay Gilyad, Galilea ay fagdaul talun Naftali. Ay nataban sas Asirya fagayu tagbanwan sanya fag ngay furuan.

2 Fun 24:1

Gina Yuyakim gfunan, Nabukudunusur, Babilunya at fun, nanamawayan anya. Kaduge tuluk banwa Nabukudunusur nafagsuguan Yuyakim, dewa katanya, sis fatuluk banwa, Yuyakim nafawayan anya.

2 Fun 24:10

Gina kanya gfunan, talun Babilunya at fun Nabukudunusur at ngay fun tagfawayan nanamawayan sas Erusalem ay naligung.

2 Fun 25:1

Sis fasafuluk menit, sis fasafuluk magdanun sis fasiamk banwa fun Sedekya nu gfunan talun Uda, Nabukudunusur talun Babilunya at fun ay fagayu at ngay tagfawayan anful sis day furuan Erusalem ay nafabungsud lutuk sis fun alad laman at fagsakboan.

2 Krunika 28:20

Nu katanya, Tiglat-Pileser, Asirya at fun, abat ngate nagubuk fun Akas, nafae fagidapun way.

2 Krunika 33:11

Nu katanya, Yawi naylat Asirya at ngay tagfawayan nu gfawayan anya fagayu. Ay kanya fag ngay tagfawayan nataban Manase ay nafae sanggit at dungus ay nasiuk anya salambitan ay nataban sas Babilunya.

Isayas 15:9

Liskung Dibun ankapnu taguk, ay gtungud yay ban kanya ku fagnamakamulunun. Namasanya au sik liun laman namawayan ngay taw at nalagyu siginans Muab ay anggan fagayu at kinsawad sanya fag talun.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 10:25

Fadasugi am dotama sa sangay talun at taw at yud natoglag emu ay sa sangay taw at yud nangakbang sa emu, aroro kanya fagayu nafamin Akub at kasugfunanan ay naiklas at ngay bale.

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Eremyas 5:17

Kanya ban fag gaban taw namamin ay ngay gutluan, ay ay ngay fakonun, ay namabul ay ngay sisian, ay ay ngay fagbaugun, ay namamin ay ngay tanum wat ubas ay anggan ay tanum igus. Ay nangiklas ban ay fagnansarigan fag ngay furuan ke alad.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 50:6

“Ku ngay taw kata sik ngay tupa at nalyam. Aroro at ngay tagulit nafalibangun anya fagayu sa sangay fungsu ay sa sangay buksul ay kanya ban fagayu wa saful ya gtvbtvban at dalan gina kafoli.

Eremyas 51:38

Ay ngay taw Babilunya ban gsubang kata sik liun at riangan takalunus.

Eremyas 52:1

Sedekya at banwa duak safulu e sadi gina gfasigad gfunan. Kanya gbanwan sis Erusalem ay nu gfunan labi sadik banwa. At mina Kamutal, Eremyas at baguina fag taw Libna.

Esekyel 34:12

Nanrvbvy kban anya fagayu kata sik tagalaga tupa nu grvbvy at ngay tupa tagsaruayan. Namaful kban anya fagayu siginan sangay talun nu inda nu marapyagan gina fag buknga e fagmauriun.

Daniel 6:24

Fun Daryu nasugu laman fagayu taw at nalong mauri sas Daniel gagamatan ay gfatong sasad fagubungan ngay liun gfadgaloan at mesa mangena ay at ngay sisian. Ay kanya fagayu nu nafatong sasad fagubungan, gina yay yud andasug sat daga, ngay liun nayukfu wa vtv ay naon.

Uel 3:2

namaful kban ay nantaban tibak talun at ngay taw sas datag Eusafat. Ay namaurianan kban anya fagayu, aroro sat nafakamulun mauri sa ku ngay taw Israel. Kafag ngay taw nataban ku ngay taw sa tibak talun ay nafudan at daga.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.