Eremyas 50:11 - Fanawbuid tagsibaliwas Fakayabian

¹¹ “Ngay taw Babilunya, naago am ku ngay taw at ngay ramraman, ay gfanagsag am ay guseganan kata sik tumad baka tina sis fagfafangonan ay kata sik kabayu tama tagfanagsag guni.

Eremyas 50:11 ပူးပေါင်းရင်းမြစ်များ

Alubad. 22:12

Ngayuk fawayan tagligung angku, kata sik ngay baka tama at madot.

Fangatulun 17:5

Sik taw nu nafalingun way at yud e kwa, nafalingun yangay at nawat anya fag Dius. Ay sik taw taguseganan tibak taw nu gidapan, kanya ban umfaurianan yangay.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Isayas 47:8

Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 46:20

Talun Igiptu kata sik tumad baka, dewa katanya, e sik ngay tuma kadasug siginans fawalan fag alvngvdan laman nangalafang anya.

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Eremyas 5:8

Kanya fagayu kata sik ngay kabayu tama at ke tagulit tua. Ay galay at sadi maksvn nu galabian tibama at mangena.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Esekyel 35:15

Aroro nauseganan am gina ngay taw Israel at talun ansik mabaluanan. Nu katanya, katanya yangay ban at kumfasludan sa ayu. Namasik mabaluanan kban Seir ay fagdaul talun Edum. Ay ginanya ban sumaful am te, au Yawi.’ ”

Esekyel 36:5

Au, Fun Dius Yawi, glong au te, maksvn nu kadotama au ngay talun, kaugat wan talun Edum! Kafag ngay taw maksvn nu guseganan gina nagbilug ay nafalingun ku talun, aroro kanya fagayu maksvn nu gaagbilugun sanya fag ngay fagfafangonan.’

Usea 10:11

Ebi, kata tuam sik tumad baka tina at nafananad, ay takaylat gruyus. Dewa katanya katsi, gfaurianan au ayu fag ngay taw Israel. Anggan am fag ngay taw Uda, umkata wam sik tumad baka tina at yud batang e fantungud liug sit masine fag liug, ay gidapan gguyud fangali daga.

Amus 4:1

Am fag ngay mangena takadungug sis Samarya, kata am sik ngay baka mataglu sis Basan. Ay fakamulun, gfaidapan am ay gfalingun ngay taw at yud e kwa, ay gsugu am ay ngay mangama te, “Namul am fanlangu ay nanginum watam.” Nu katanya, dungugani

Ubadyas 1:12

Wam nangus nauseganan ay kaiban fag ngay taw Uda gina gidapan. Ay wam nangus nauseganan gina e giklas at talun, ay wam nangus nafamatungudun gina kanya fagayu gidapan.

Abakuk 1:15

Ngay taw Babilunya maful guseganan aroro nataban at ngay fawayan kata ngay albon nu n-gamat sas fanggamat.

Sakaryas 14:12

Yawi ban namadasug at maksvn fag faurianan sa sangay talun at nanamawayan Erusalem: Ginanya ban fag menit, kanya fagayu at bilug, ay at mata, ay anggan at leplep kadan dewa yay gleleg.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.