Eremyas 50:10 - Fanawbuid tagsibaliwas Fakayabian

¹⁰ Kanya ban fagayu namamin talun Babilunya at ngay ramraman ay umfanud ban. Au, Yawi, taglong tuy.

Eremyas 50:10 ပူးပေါင်းရင်းမြစ်များ

Isayas 33:23

Erusalem kata sik sakayan lino at yud marugut at fantabing at turuk, ay wa mafarafad at famalao fag ramit. Dewa katanya, umdasug ban sik menit ngayu ban fag ramraman at fagmabulun siginan at ngay fawayan. Dewa at yud malo fag ngay taw umke kwa tua ban.

Isayas 33:4

Ay namamin ban o fagayu at ngay ramraman, ay umkata sik ngay tanuman gina ngay liung nafamin.

Isayas 45:3

Ay gfon kban emu nusnge wain fag ngay ramraman at mafasuksukan, laman sumaful o te, au Yawi, Israel at Dius, at nauro emu.

Eremyas 25:12

“ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 50:26

“Am, at namawayan talun Babilunya siginan tangayayu fag talun, fawayani wan! Ay luangi at ngay bale famoy. Ay fabungsudi ay nagrufan kata nu gfaful at gutluan. Famini wan taw Babilunya ay lag gfae sawad ya.

Eremyas 50:37

Ay faurianan fag fiso tagsumbalian at uyup gfaurianan yangay at ngay kabayu, ay anggan tagsakay sit ngay faguyudan at ke balingkitan, ay fagayu at nanggubuk anya. Kanya fagayu ummomuy kata sik mangena. Ay gbul yangay at ngay ramraman ay gbuba wan.

Eremyas 51:24

“Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:35

Ay kanya naiyan emi ay wami saful ya em fakamulun. E namakamulun yay nangus sas talun Babilunya kata at nafakamulun sa emi ay sa em ngay sisian. Umfasud nangus sa sangay taw Babilunya sat nafabulan emi.”

Esekyel 11:24

Sanya ginan, sis Dius at Falad at nafalag angku fag taginfan, kanya nabuba angku sas Babilunya sa sangay taw at natabanan. Ay kafag taginfan antabu wan.

Abakuk 2:8

Aroro ngayu wan ay nagbilug ramraman siginan kafag ngay talun, kanya ban fag ngay talun at ngay taw at sawad nangagbilug ay ramraman. Umfasludan sa ayu takatanya aroro nafabul am ngay taw ay nafauri at ngay tanum anggan at ngay furuan.

At Nafasure 17:16

Ay am nalag fag safuluk sunge ay kafag tagfangagat fag mela, kauri kafag mangena takamatugtug, ay kanya ban fagayu namul kafag mangena at ngay ramraman ay anggan at lanbung, ay we fagagbilugun ya. Ay kanya ban nangon takamatugtug fag mangena at faknul ay at fasawadan ban nangirug wan.