Eremyas 5:9 - Fanawbuid tagsibaliwas Fakayabian

⁹ O nunda kwa ro masine gfaurianan anya fagayu aroro sat ngay nafakamulun mauri? Ay o nunda ro kwa yangay masine gfasud takatanya fag ngay taw? Au, Yawi, taglong tuy.”

Eremyas 5:9 ပူးပေါင်းရင်းမြစ်များ

Fangatulun 6:29

Nu katanya, nu natugtug way o am iba at bubay, nangidapan ban o.

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Isayas 57:6

Nawat am ay ngay fagsegan ay fangawat ngay gang madalusan tagsiginans liskung, ay gseg am kaduge am gfon ay fanggalangun fag fakonun ay fag fanginum. O guseganan au takatanya ay ngay fakamulun?

Eremyas 32:31

Siginan nu kawat tuy fag furuan ay dasug katsi tuy fag ngay taw nafadotama angku. Nu katanya, nangiklas kwan tuy fag furuan.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 5:10

“Israel at ngay fawayan, nanrasras am at ngay tanuman wat ubas, dewa katanya, lag yap gfamin. Gatvngi yap lang at ngay sanga, aroro kanya fagayu ansaruayan wan siginans Yawi.

Eremyas 5:29

Au, Yawi, glong au te, o nunda kwa ro masine gfaurianan anya fagayu aroro sat ngay nafakamulun mauri? Ay o nunda kwa ro masine gfasud sa takatanya fag talun at ngay taw?

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 6:6

Yawi at Mabalyanan glong te, “Nanggatvng ban am sik ngay kayu laman ay fangiklas furuan Erusalem at ngay alad, ay fabungsudi sik ngay lutuk sas tigyangan alad, laman ay dalan. Faurii wan tuy fag furuan aroro maksvn wan nu kamaidapan.

Eremyas 9:8

Aroro at ngay leplep kamabul kata sik ngay godun. Ay at ngay longan fakamuaganun way lang. Kanya fagayu nu gfakamatoan at iba, masine mandi, dewa katanya, sat amatanganan, at algan mauri way.

Eremyas 9:9

O nunda ya nsak at fagmauriun laman gfaurianan au anya fagayu? O ay nunda kwa masine gfasud takatanya fag ngay taw? Au, Yawi, taglong tuy.”

Takabalu 3:42

“Yawi, anke asalanan ami ay nafamabo emu, ay wo nafalyam ya em asalanan.

Takabalu 4:22

Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Esekyel 7:9

Kwa kafanyu ya ayu. Namaurianan au ayu aroro mauri ay ngay nafakamulun. Nu katanya, sumaful ban am te, au Yawi at nafaurianan ayu.

Usea 2:13

Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Lebitiku 18:25

Aroro ngay taw tagbanwan sanya nafasuya kafag talun, siginan at ngay fakamulun at mauri. Nu katanya, nafadasug au sanya fag talun ngay fagidapun laman kanya fag ngay taw glao sanya ginan fag talun. Nu katanya, am fag ngay taw Israel anggan ay ngay betaw, lag am gfakamulun takatanya fag fagmauriun, abat ngate, faningi tua ku ngay suguan ay ku ngay faugali. Aroro nu nafasuya way ban am kanya fag talun siginan at mauri fag fakamulun, gaiyan kyangay ban ayu sanya ginan fag talun kata ku nafakamulun sa sangay taw tagbanwan sanya.

Lebitiku 26:25

Gfadasug kban sa ayu ay ngay fawayan laman namaidapan ayu aroro wam nafaning tam nasadian. Dewa ban am nasuksuan sa ay furuan, gfaurianan kyay ban fia ayu, ay gafabulunan ban am namababaun sa ay ngay fawayan.

Naum 1:2

Yawi tam Dius wa kaylat ngay taw nu gseg tibak fagsegan. Ay kanya kauri at ngay fawayan ay namasud anya fagayu.

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

Deuterunumyu 32:43

Ngay talun at ngay taw, fasfuani Dius at ngay taw, uroi fauseganani. Aroro Yawi namasud sat nafabul at ngay fagsuguan ay kanya gfasud sat ngay fawayan, ay gfasine at ngay talun, ay gfalyam at ngay taw at asalanan.