Eremyas 5:7 - Fanawbuid tagsibaliwas Fakayabian

⁷ Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Eremyas 5:7 ပူးပေါင်းရင်းမြစ်များ

2 Krunika 13:9

Naiyan am Yawi at ngay tagfon fanggalangun Arun at ngay kasugfunanan, ay ngay taw Lebi, ay nafili am ay sadili tagfon fanggalangun kata tibak talun at fakamulun. Nusnga sinu si ayu at ke baka tama ay at ke fituk tama tupa, nafili wam anya laman ay tagfon fanggalangun sa ay fagsegan at yud mafanud.

Ub 31:12

Takatanya kata sik afuy tagfamin fagayu ku ramraman.

Alubad. 50:18

Nu nalag am tagfangkamul, gfagadgalangan am, ay gfadgaloan yangay am ngay tagfanugtug.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 13:27

Nalag au ay ngay nafakamulun at mauri nu gseg am ngay fagsegan, sa sangay buksul, ay sa sangay datag. Kata am sik mangena tagfaebayad, sik tagfanugtug ay sik takamatugtug at yud kagwanta ya nu namataladan. Ngay taw Erusalem, afanyuan am! Seduge ya ban nu katanya am?”

Eremyas 16:11

Longi ban sa anya fagayu te, katatuy ku famalus: ‘Nafakamulun au takatatuy aroro ay ngay mangaguyang natalyuyan angku. Kanya fagayu nafaning ay naseg tibak fagsegan. Ay naubun angku ay wa nafaning ku suguan.

Eremyas 16:20

O nunda sik taw mawat way at Dius? Nu at nawat way ro, bunwa at matuyan fag Dius!’ ”

Eremyas 2:11

O nunda tibak talun at taw natubus at ngay fagsegan deyud matuyan? Au wan at mabalyanan fag Dius, dewa katanya, ku ngay taw naseg wan tibak fagsegan abat ngate gseg angku.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 23:10

Mapnu wan ste fag talun tagseg tibak fagsegan, aroro sat ngay taglong at ngay fakamulun at mauri ay nu gfasawe nu gfakamulun. Nu katanya, Yawi nafauri kafag ngay taw at talun, ay at ngay fananumun an-gong wan ay anlangke.

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Takabalu 3:42

“Yawi, anke asalanan ami ay nafamabo emu, ay wo nafalyam ya em asalanan.

Esekyel 22:11

Ay e namataladan yangay at ibama at mangena, ay at nugang fag mangena, ay at faduksay fag mangena.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 7:4

Kanya fagayu sik takamabo way fag ngay taw. Ay kata sik tagfatama tinapay at faygangan at yud kalay ya siginan nu gfasigad gluag famabia tinapay yakmay kafag tinapay anbia.

Lebitiku 20:10

“Sik mangama nu natugtug way tibak mangama at mangena, fabuli wan kafag mangama ay kafag mangena.

Amus 8:14

Namaurianan kban ayu, am fag ngay taw tagfatuyanan glong at maksvn sas Samarya, sas Dan ay sas Beerseba at ngay fagsegan, ay wa ban am manangabangkad ya.”

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

1 Kurintu 6:9

O nunda yam nasaful te, ngay taw tagfakamulun at mauri wa ban umful sas Dius at fagfagtainanan? Lag am gdaya ay sadili. Aroro, ngay taw tagfanugtug tibama at mangena ay sat yud e mangama, ay tagseg at yud matuyan fag ngay fagsegan, ay tagfanugtug sat usama,

1 Kurintu 8:4

Nu katanya, sabaliwas fakonun at nafon sat yud matuyan fag ngay fagsegan, saful watam te, ngay fagsegan bunwa kanya at matuyan fag Dius, ay tam Dius sadi way.

Galasya 4:8

Ebi, gina am yud natoglag Dius, gafagsuguanan am tibak fagsegan.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

Deuterunumyu 32:21

Ay kanya fagayu gfasulupan angku sat yud matuyan fag fagsegan, ay nafadotama angku siginan nu gseg at yud e tungkul fag ngay fagsegan. Nu katanya, gfasulupan kyangay anya fagayu siginan nu gfon au ku ngay famonun sa tibak talun. Ay gfae fakauriun kyangay anya fagayu siginan nu gfon au ku ngay famonun sat yud e fagsafulun fag ngay talun at ngay taw.

Ebreu 13:4

Fagayu am atuyani te, fakadadwaun mafanud, ay lag am gfanugtug ay namatugtug, aroro Dius gfaurianan ban nusnga sinu tagfakamulun takatanya.

Santiagu 4:4

Wam mangaro matuyan sas Dius. O nunda wam nasaful te, nu gfagadgalangan wayam ste swa daga, gfawayan wayam Dius? Nusnga sinu tagfagadgalangan fagdaul daga, kanya gfawayan Dius.

Uswe 23:7

Lag am gfadiuganan at munakbang si ayu fag ngay taw, nusdi taglong at ngay fagsegan at ngayan. Ay lag yangay nanseg ay namauseganan kafag ngay fagsegan.