Eremyas 5:6 - Fanawbuid tagsibaliwas Fakayabian

⁶ Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 5:6 ပူးပေါင်းရင်းမြစ်များ

2 Krunika 36:14

Ay anggan fagayu tagfon fanggalangun ay fagayu taw Israel wa nafaning Dius. Kanya fagayu nafaning way tibak talun at ngay taw at ngay fakamulun at maksvn nu mauri, ay kanya fagayu nafasuya Yawi at bale, at nafili fag buknga at yud e malong sis Erusalem.

Esra 10:10

Sanya ginan, Esra fag tagfon fanggalangun anlindug ay nalong te, “Anke asalanan am aroro nafamubay am sa tibak gaban taw. Siginan takatanya ay nafakamulun, nafamut am ngay taw Israel at ngay asalanan.

Esra 9:6

Nalong au te, “Ku Dius, maksvn nu kapla au. Kwa matangda ya emu at kaksvnan nu kapla au, aroro maksvn wan em ngay asalanan; kata wa nu nasawe sa em ngay alfuyu ay gakadasugun banwa.

Ub 10:16

Gina au gakabangkadun, kaylat o nanggamat angku kata sik liun nu gfanaya laman ggamat at fagnangonun, ay namaurianan o angku siginan am fagmabalyananun.

Alubad. 104:20

Gfae dulum o, laman e yabi, ay ginanya ngay mangilafang gfanloan sisad araw.

Alubad. 80:13

Ngay buswak ay tiba yak mela nangon yangay em tanuman.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 59:12

Aroro maksvn wan tam asalanan sis Dius at daga salubangan, ay kanya wan fag ngay asalanan fagsafulan te, gafaurianan tam. Anud! Saful oma tam te, gfakamulun way tam at mauri.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 25:38

Yawi kata sik liun at nalfas siginan at luib laman nanrvbvy at fagnangonun. Mabalu way lang ban si ay talun, aroro ay ngay fawayan at nafakamulun ay aroro maksvn Yawi nu kadotama.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 30:15

Lag am gfandeng te, ‘Wa ban kafia ya em ngay bangbang.’ Nafaurianan au ayu aroro maksvn wan ay ngayu ay asalanan.

Eremyas 30:24

Nu kadotama au wa kalyam yakmay au nafafasludan ku fakaylatun gfakamulun. Ay sa ban taguyan fag menit, sumaful yayam takatanya.”

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 8:7

Ngay manuk tungud saful tua nu ginain nu nanlayug sa tibak talun ay nu ginain nu kafoli, dewa katanya, ku ngay taw wa nasaful ku ngay faugali.

Takabalu 1:5

Ay at ngay fawayan nafagsuguan anya fagayu, ay anramraman. Maksvn Erusalem at asalanan, nu katanya, Yawi nafaidapan anya. Ay at ngay fawayan nataban anya fagayu.

Esekyel 16:25

Ay si sangay sagbatan, narasras o am kamasinean ay nafagbilug o am sadili sas nusnga sinu fag mangama. Anud, nafagbilug wo fia am sadili.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Esekyel 23:19

Dewa katanya, kanya gfataglayun way gugat nu kamatugtug kata at nafakamulun sis talun Igiptu ebi gina yay sik baguina.

Daniel 7:4

“Taguna fag mangilafang kata sik liun, ay e fakfak kata sik manuk tungud. Nalag au at fakfak nu kagatvng. Ay kanya namalindug kata sik taw ay anke amatanganan kata sik taw.

Daniel 7:6

“Ay at fatuluk mangilafang kata sik leupardu. Kanya e ufatk fakfak sit guyuy ay at alfuyu ufat. Kanya e fagmabalyananun gfangguna.

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Abakuk 1:8

At ngay kabayu amatarung yap ngay leupardu, ay amadot yap ngay idu talun tagfanloan sad yabi. Ay at ngay kabayu gtarung yangay siginan tangayayu fag talun, kata sik bio at masakit nanyukfu at fagnangonun.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Tap 32:14

“Ay am, sik ngay tagasalanan am, at naungbus ay ngay mangaguyang ay nafamut yayam Yawi at fandotaman sa sangay taw Israel.

At Nafasure 13:2

Ay kanya fag mela kata kuti daul, ay at darafa kata sik mela daul tangaba at u, ay at bibig kata liun at bibig. Ay ule daul nafabalyanan tagfangagat fag mela ay nafon sa anya at faglunggungan ay at fagfagtainanan.