Eremyas 5:31 - Fanawbuid tagsibaliwas Fakayabian

³¹ At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 5:31 ပူးပေါင်းရင်းမြစ်များ

1 Fun 22:6

Ay Israel at fun nafaful ufatk sandank taglong ay nainto te, “O namawayan au Ramut-Gilyad ay o mannga duan?” Ay kanya fagayu nabalus te, “Kin, loi wan, aroro tam Fun Dius ro gfababo emu.”

Fangatulun 17:4

At mauri fag taw kaylat gdungugan at mauri fag taw at longan, ay katanya yangay sik taw takamuag kaylat yangay gdungugan takamuag fag taw.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Isayas 43:27

Ebi am ngay mangaguyang anke asalanan sa angku, ay anggan am ngay fun nafamabo angku.

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Eremyas 12:4

Seduge ya ban lutuk nu magong ay ngay makmak nu mayangoan? Aroro siginan ngay taw at fagmauriun, ngay mangilafang ay ngay manuk tungud kabul wan. Ay kanya fagayu glong yay fia te, “Yawi wa glag em ngay fakamulun.”

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 26:7

Ngay tagfon fanggalangun, ay ngay taglong, ay fagayu taw tagsis Yawi at bale nadungug Eremyas at longan.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Takabalu 4:18

Em ngay fawayan glag way em ngay leleganan, ay wami maduksun ya sa em ngay dalan. Matapan way lang em ngay menit, ay munakbang wan em fakatabuan.

Esekyel 13:10

“ ‘Kanya fag ngay taglong nafamuag sa ku ngay taw, siginan nu glong te, fagayu manabayan way, ay aroro mangaro wa manabayan. Kafag ngay taglong kata way lang nu nadafut afug ay lifak sit yud mogat fag afud alad gang, ngay taw at nawat.

Esekyel 13:6

Kafag ngay taglong at ngay taginfan wa matuyan, ay nu ginsaful kamuagan way. Kanya fagayu glong te, em foyungan siginans Yawi, dewa katanya, at matuyan, kanya fagayu bunwa ku nasugu. Ay kanya fagayu gfanya at ngay foyungan nu kafasludan.

Esekyel 22:14

Gina kban gfaurianan ayu o maseganama yayam ay mabitsug? Au, Yawi, taglong tuy. Anud, gfakamulun kban takatanya.

Usea 4:9

Nu katanya, nu nafaurianan kway ku ngay taw, gfaurianan kyangay ban anggan ayu. Nu mauri way ay nafakamulun, mauri yangay ban takadasug sa ayu.

Usea 6:10

Ngay taw Israel, e nalag au si ayu at maksvn nu mauri. Gseg am sa tibak fagsegan, nu katanya, sik masuya wayam.

Usea 9:5

Nu katanya, nataw ro katsi ay fakamulun nu ndasug sis fagmafulan fag menit ay laman gfauseganan Yawi?

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mikas 2:6

Glong am te, “Lag am kamoyung ya sa emi sabaliwa takadasug ban fag faurianan, aroro wa ban mi gafaplan.”

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Deuterunumyu 32:20

Kanya nalong te, “Gtalyuyan au anya fagayu ay nanlag kban nusnga setaw at fakadasugan, aroro kanya fagayu at mauri way fag gaban taw, ay at yud way matuyan fag ngay sisian.

Deuterunumyu 32:29

Kanya fagayu nu e fagsafulun di, nasaful tua ro takafasludan sa anya.