Eremyas 5:3 - Fanawbuid tagsibaliwas Fakayabian

³ Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 5:3 ပူးပေါင်းရင်းမြစ်များ

Fakasigadan 19:34

Balabag di, at faglon nalong sat arian te, “Sad yabi nanamataladan au ta mama. Ay katsi ro gdog yap ta namainum ta mama sik malangu laman ro galangu, ay o man ro at namataladan anya laman ban umke sisian ta siginan anya.”

1 Fun 13:33

Nu nlangfe katanya, fun Erubuam wa naubun at fagmauriun, abat ngate, kanya nafataglayun nu gfili ngay taw laman tagfon fanggalangun. Nusnga sinu takaylat kasik tagfon fanggalangun, fun Erubuam nafasaman wan.

2 Fun 1:13

Ay fun Aasya gdog yay fia nasugu at fatuluk fun tagfawayan gadgaloan limak safuluk tagfawayan. Kanya fag fun tagfawayan nu ndasug sas Elyas, natudan laman kamababaun ay gfainfanyuan te, “Dius at fagsuguan, afanyui angku ay ku fadgaloan fag ngay tagfawayan. Lag o gfabul emi am ngay fagsuguan.

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

2 Krunika 28:22

Ay dewa fun Akas gidapan, kanya gfataglayun yay nu kamabo Yawi.

Alubad. 51:6

Am fakaylatun sa angku sik matuyan fag amatanganan, nu katanya, fae fagsafuluni angku.

Alubad. 51:8

Nafaidapan o angku, kata nu glubuk. Ay katsi, fafolii sa angku fagusegananun.

Alubad. 55:20

Ay ebi ku fagadgalangan nafauri angku ay anggan at ngay fagtoglagun, ay wa nafaning em nasadian.

Fangatulun 21:29

At mauri fag taw wa gamatangan ya nusnga setaw at fagnamakamulunun, dewa katanya, at matuyan fag taw gamatangan tua.

Fangatulun 22:12

Yawi gdiri tua at ke fagsafulun fag ngay taw, dewa katanya, gsalag way ngay taw tagasalanan at algan.

Fangatulun 23:35

Sanya ginan, glong o te, “E nafalang angku ay kwa nbaga! Ay e nasuntuk angku, dewa katanya, kwa namatang. Ginain ya ban manga nu kafia ku fagalanguun laman mananginum kyay gdog?”

Fangatulun 27:22

Dewa o gugat gfoyung sik yud e fagsafulun fag taw, wo mafafalyam siginan anya at fagyudun e fagsafulun.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Isayas 48:4

Nasaful au te, maksvn nu yud am gfaning angku. Ay liug nu matugas kata sik sanbung, ay ay dangasan nu matugas kata sik tansu.

Isayas 9:13

Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Eremyas 15:7

Namaurianan kban ayu kata upa nu kalayug sas sakbawan furuan daul. Namamin kban ayu anggan ay ngay sisian, aroro wam nafaragang nu gugali am at mauri.

Eremyas 17:23

dewa katanya, kanya fagayu wa nadungugan angku. Kanya fagayu kamaogatun at ngay amatanganan! Ay wa kaylat ku ngay foyungan.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 3:3

Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 32:19

At kasine am ngay algan, ay at kadulo am ngay nafakamulun. Glag way o fagayu taw at nafakamulun ay gfasud o ngay taw kata at ngay ugali ay at nafakamulun.

Eremyas 44:10

Dasug katsi, yam kamababaun ay yam kalimu angku. Ay wam gfaning ku ngay suguan ay ku ngay faugali ku nafon sa ayu ay sa ay ngay mangaguyang.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Esekyel 2:4

Kanya fagayu kamaogatun way at amatanganan. Longi sanya fag ngay taw te, ‘Katatuy Yawi tam Fun at longan.’

Esekyel 24:13

“ ‘Matuyan, furuan Erusalem, nafasik mauri o emu siginan am nafakamulun at mauri. Gugatan koma gfasine emu, dewa katanya, wo kaylat kasine. Nu katanya, yakmay kban nafadasug sa emu ku fandotaman at maksvn, mauri way o gugat.

Daniel 9:13

Anfasludan sa emi kanya fag faurianan kata at marirukan sis Muisis at Faugali. Ay dewa ndasug sa emi takatanya, wami naugatan laman guseganan tuo emi siginan nu gubun ami em ngay asalanan ay nu gafanud ami sa emu.

Lebitiku 26:23

“Ay nu dyay ban am gdungugan ay gfaning angku,

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Amus 4:6

Au wan at nafadasug sa ayu fanlunus sas nusnga nday fag furuan, dewa katanya, yam kafoli sa angku. Au, Yawi, taglong tuy.

Amus 4:8

Naranranugan am glulian sa sangay furuan laman nanrvbvy ay fanginum, dewa katanya, ya nsak. Dewa kaksvn nya nu gidapan am, yam kafoli sa angku. Au, Yawi, taglong tuy.

Amus 4:9

Ngayu ginan koma gfauri ay ngay tanum siginan sik tagmara masugba ay siginan sik ngay dafang. Ay sik ngay liung nafamin ay ngay tanum fun kayu igus ay fun kayu ulibu. Ay dewa kaksvn nya, yam kafoli sa angku. Au, Yawi, taglong tuy.

Sefanias 3:7

Nu glong kro nu nafakamulun ktua takatanya, ku ngay taw gsuyu tua angku, ay kaylat tua nu gatul au anya, laman at furuan di kaiklas kata ku nafalganan. Ay abat ngate mangaro, ku ngay taw kaksvn way nu gfakamulun at mauri.

Ruma 2:2

Nasaful tam te, Dius matuyan nu gfaurianan fagayu taw tagfakamulun takatanya.

Ebreu 12:9

Dewa tam mama ste swa daga gatul tua antam, ay gsuyu tua tam anya. Nu katanya, faugati yap nu gfaning tam tam Mama tagsis banwa, laman ban e leleg tua tam.