Eremyas 5:27 - Fanawbuid tagsibaliwas Fakayabian

²⁷ Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Eremyas 5:27 ပူးပေါင်းရင်းမြစ်များ

Ub 12:6

Dewa katanya, takamabul fag ngay taw manabayan nu gbanwan, ay ngay taw takauri Dius maseganama tua, dewa katanya, kanya fagayu at fagsegan at sadili way lang fagmakatuun.

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 9:6

Fagayu at fakamulun kamuag way lang, nu katanya, wa kaylat ya gtoglag angku.”

Usea 12:9

Nu katanya, au wan ay Dius Yawi at nafalfas ayu siginan talun Igiptu ay nu katanya glong au te, gdog kban gfabanwan ayu sa sangay fayag at nafalindug galay buknga fag fagmafulun sabaliwa nu Kawat ngay Fayag.

Mikas 1:12

At matuyan, ngay taw sis furuan Marut kanbang wa daul awayan nu karagang. Dewa katanya, kanya ban fagayu wa gbayan aroro Yawi nafoyung sat ngay fawayan Erusalem at sakbawan laman ban at dalan.

Sefanias 1:9

Ginanya ban fag menit, namaurianan kyangay fagayu tagseg ngay fagsegan, anggan at madot ay tagfandaya laman gfapnu ramraman sat fagsegan at bale.

At Nafasure 18:2

Ay kanya maksvn nu guro te, “Anrasras wan at mabalyanan fag furuan daul Babilunya, ay katsi tagbanwan sanya, at mauri fag ngay falad, kanya at mauri fag ngay taw yabi, ay at mauri fag ngay manuk tungud, ay at mauri fag ngay mangilafang.