Eremyas 5:24 - Fanawbuid tagsibaliwas Fakayabian

²⁴ Ay at ngay longan wa siginan at ngay amatanganan, kanya fagayu dewa glong fia te, ‘Gseg watam Yawi tam Dius, tagfon antam arak gina abagat, ay tagfon antam ngay rawvg gina fanggutluan.’

Eremyas 5:24 ပူးပေါင်းရင်းမြစ်များ

Fakasigadan 8:22

Kaduge ban e fagdaul daga, di ban karagang nu e fananuman, ay nu e fanggutluan, ay nu e marios, ay nu e maroy, ay nu e abagat ay nu e mangune, ay anggan nu e menit ay nu e yabi.”

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

Ub 29:23

Kanya fagayu kaylat ku ngay longan, kata nu kaylat arak nu kadasug.

Ub 38:37

Sinu tagsaful gtap ngay linyabu? Sinu at mafaugwag mamam siginans banwa,

Ub 5:10

Kanya nafaarak sas fagdaul daga ay sa tam ngay gamasun.

Alubad. 147:8

Aroro kanya mafafagdaul tua linyabu sas kiwang, ay gfarak tua gugat sas daga, ay gfatugbung ngay makmak sa sangay buksul.

Alubad. 65:9

Galaga o ay gfarugme daga laman umke ngay fananumun. Em Dius, gfae familugan o gugat ngay liskung. Nu katanya, ngay taw kae gutluan tua. Kanya fag ngay buknga am nafalganan wan.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Eremyas 10:13

Siginan at aringang banwa gfangalung, ay gfae linyabu siginan sangay fungfung daga. Ay gfae limbad gina karak, ay gfadasug tagmara siginan at fagfungsuan.

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 3:3

Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 5:22

Yawi glong te, “O nunda wam kalimu ya angku? Wain ay fagyudun gtadtaruyan si ku daga salubangan? Au wan at nawat ngay lagnas laman fatuan dagat, laman mamam wa masakfo. Ngay lugwak gdalusung lagnas sis tigyangan dagat, dewa katanya, wa masakfo.

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Uel 2:23

Am fag ngay taw tagbanwan sis Siun, useganani sa tam Dius Yawi, aroro nafadasug sa ayu taguna fag arak laman gfalag te, matuyan. Kanya gfadasug tua gugat taguna ay taguyan fag arak kata ebi ginan.

Amus 4:7

Ay kwa nafarak kaduge tuluk magdanun yakmay andasug fanggutluan. Nafae arak au sa sik furuan ay sa tiba ngap kfuruan, duan. Ay nafae arak au sa sik gamasun ay sa ngap tibak gamasun wa karak.

Sakaryas 10:1

Gina fanugbungan fag buknga, fagayu am eti arak sas Yawi, aroro sia wan tagfae arak gasfuan lingsi ay limbad, sa sangay taw ay sat ngay fananumun tagsis gamasun.

Mateu 5:45

laman umtuyan te, am wan ay Mama tagsis banwa at ngay sisian. Aroro Dius gfasure menit sat mauri fag taw ay sat masine fag taw. Ay gfarak sat matuyan fag taw ay sat yud matuyan fag taw.

Fakamulun 14:17

Dewa katanya, Dius nafalag tua sa ayu te, kanya si wa gugat ayu siginan at ngay fakamulun at masine. Dius nafadasug sa ayu arak ay faggutluun sit kasakan fag buknga, laman e fakonun tuam ay guseganan.”

Deuterunumyu 28:12

Yawi ban gfadasug sa ayu arak gina sit buknga, siginan at fagfungsuan at fagmaramramanun sas banwa, ay kanya ban gfae masuad fagayu ay nafakamulun. Gfabedan ban am sa tibak talun at taw, dewa katanya, am ban diam gbedan.

Santiagu 5:7

Ku ngay faduksay, nu katanya, agwantai tua yakmay tam Fun andasug. Amatangani te, sik tagtanum gfanya at tanum nu grawvg, ay kanya gfanya taguna ay taguyan fag arak.

At Nafasure 11:6

Ay kanya fag dua e fagmabalyananun yangay gdingding banwa laman wa karak kaduge kamoyung Dius at longan. Ay kanya e fagmabalyananun gfakata taguk mamam, ay gfadasug ngay faurianan nusnga ginain nu kaylat.