Eremyas 5:23 - Fanawbuid tagsibaliwas Fakayabian

²³ Dewa katanya, kanya fagayu kamaogatun ay kamabo, ay nalyam ay natalyuyan angku.

Eremyas 5:23 ပူးပေါင်းရင်းမြစ်များ

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Alubad. 95:10

Kaduge ufatk safuluk banwa maksvn nu kadotama au anya fagayu, ay nalong au te, ‘Kanya fag ngay taw natalyuyan angku ay wa nafaning ku ngay foyungan.’ ”

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 31:6

Am fag ngay taw Israel, maksvn nung am nafamabo Yawi. Afolii wan sa anya.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 5:5

Nu katanya, glao au sat ngay tagfangguna laman namakamatoan. Anud kanya ro fagayu sumaful Yawi at ngay balyawvtan, at masuad te, sumaful at Dius at fakaylatun.” Ay dewa katanya, nu nafakamatoan au, kanya fagayu wa naylat gfaning Yawi at fagyafafakamulunun.

Eremyas 6:28

Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 4:8

Ay naylat wayam ku ngay taw nu gasalanan, laman kayu ay ngay ramraman siginan nu gfon at ngay fanggalangun famalyam at ngay asalanan.

Sefanias 3:1

Sefanyas nalong te, “Ida ngay taw Erusalem! Aroro kanya fagayu kamabo Dius ay gfakamulun at mauri ay at ngay tagfangguna kamalingun.

Deuterunumyu 21:18

Sik taw nu e baguama way takamabo, ay at yud gfandungug ya anya dewa nafoyung,

Deuterunumyu 31:27

Aroro saful kwan, nu se aksvn nu kamabo am, ay nu se mogat ay ngay amatanganan. Dewa katsi gina au magamut ayu, gtalyuyan am Yawi, kaugat waban nu nbul kwan!

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.