Eremyas 5:22 - Fanawbuid tagsibaliwas Fakayabian

²² Yawi glong te, “O nunda wam kalimu ya angku? Wain ay fagyudun gtadtaruyan si ku daga salubangan? Au wan at nawat ngay lagnas laman fatuan dagat, laman mamam wa masakfo. Ngay lugwak gdalusung lagnas sis tigyangan dagat, dewa katanya, wa masakfo.

Eremyas 5:22 ပူးပေါင်းရင်းမြစ်များ

Fakasigadan 1:9

Sanya ginan, Dius nalong te, “Lino, afuli sa sik afud daga, ay asurei at matat fag daga.” Ay katanya wa fia at kinfasludan.

1 Fun 13:28

Sanya ginan, kanya nalao ay nalag Dius at fagsuguan nu mataygilid sisad dalan, ay at asnu ay kafag liun sit day tigyangan. Dewa katanya kanya fag liun di naon kafag taw at bilug, ay wa yangay nagat at asnu.

Ub 26:10

Kanya nafae wabilug banwa ay dagat, laman yamag ay dulum e wabilug.

Ub 37:24

Nu katanya, ngay taw gsuyu anya, ay kanya wa kasalag ngay taw taglong te, e fagsafulun.”

Ub 38:8

Sinu at nafae famalabag dagat, ay at nafalugwak siginan sad fagngabasadan?

Alubad. 104:9

Nafae tigyangan o dagat, laman wa gdog ya kalino sas fagdaul daga.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 33:7

Kanya nafaful dagat at mamam sa sik buknga.

Alubad. 46:3

ay dagat dewa maksvn nu glugwak ay anggan nu kalung, ay at kaksvnan dewa guig ngay buksul.

Alubad. 99:1

Tam Fun Yawi malunggung sit bale, sis buknga duak awatan at ke fakfak. Nu katanya, ngay taw maksvn nu kalimu, ay fagdaul daga guigan.

Fangatulun 8:29

ay gina gfae tigyangan dagat laman mamam di glangfe, ay gina kawat fagdaul daga at fagtungkudan.

Isayas 50:2

Wain am fagyudun naylat angku ebi gina au bagu kadasug? Wain am fagyudun gbalus angku ebi gina au guro emu? O nunda kwa mafalangfe emu? Mafalanggang kway dagat siginan sik aringang. Ay mafakata kway talun at magong ngay liskung laman ngay albon umbul.

Isayas 64:2

Afuy nu mafairug way at magong fag ngay sanga ay nu mafauluk way mamam, katanya yangay ban nu kadasug o. Am ngay fawayan ban fag ngay talun at ngay taw gtadtaruyan, ay kanya ban fagayu sumaful te, sinu o.

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Eremyas 10:7

O wan ngay talun at fun, sinu at yud kalimu emu? Masine ngay taw nu kalimu tua emu. Ay dewa at mamatanganan fag ngay taw ay fagayu fun siginan tibak talun, we mafasud emu.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 31:35

Au, Yawi tagsugu menit laman gyamag fagngabak menit, ay au wan tagsugu magdanun ay ngay galeme laman gyamag fagngabak yabi. Ay au yangay tagfauigan dagat ay tagfafawas ngay lugwak. Au, Yawi at Mabalyanan, taglong tuy.

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Amus 4:12

Nu katanya, ngay taw Israel, gdog kyay namaurianan ayu takatanya yay fia fag ngay faurianan. Aroro namakamulun kban katanya, falganani ay sadili nu nansalubang am sa angku ay Dius.”

Amus 9:6

Dius wan at nawat at fagbanwanan sis banwa. Ay kanya yangay at nafae kiwang, ay at nafasas linyabu dagat at mamam, ay tagfae arak. Kanya at ngayan, Yawi.

Unas 1:16

Aroro sat kindasug, ngay tagfakamulun maksvn nu kalimu Yawi. Nu katanya, kanya fagayu nafon sik fanggalangun sas Yawi, ay nafatuyanan te, gfataglayun ban nu gfaning ay nu gseg anya.

Naum 1:4

Ay nu naringang, dagat ay ngay liskung katat, ay kagong ngay tanum sa sangay gamasun sis Basan ay sis buksul Karmel ay Lebanun.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Markus 4:39

Isus anfulo ay nasalag tagmara, ay glong sas lugwak te, “Aragangi wan!” Ay anragang wan ay anke fagmanabayanun wan.

Lukas 12:5

Gfoyung au ayu ay fakalimuun: ay fakalimuun Dius tua, aroro nu nafabul ay bilug kanya e fagmabalyananun yay gukas ay falad sas afuy daul. Anud, alimui fia anya.

Deuterunumyu 28:58

Nu dway ban am gfaning at ngay suguan fagayu at marirukan ste fag fafil, ay way ban am gsuyu ay Dius Yawi at ngayan at maksvn nu madulo ay nu masine,

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”