Eremyas 5:21 - Fanawbuid tagsibaliwas Fakayabian

²¹ ‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Eremyas 5:21 ပူးပေါင်းရင်းမြစ်များ

Alubad. 94:8

Am fag ngay taw at yud e fagsafulun, ginain ya ban nu katogdungug am? Asafuli te,

Fangatulun 17:16

We masuad dewa e gfoyung sik yud mamatanganan fag taw, aroro ngap wa kaylat kae fagsafulun.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 43:8

Yawi nalong yay te, “Uroi ku ngay taw at yud glag dewa e mata, ay at yud gdungug dewa e talinga.

Isayas 44:18

Kafag ngay taw wa nasaful at fakamulun. Natabun at ngay mata ay wa glag. Ay natabun yangay at ngay amatanganan ay wa gtogdungug.

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:20

Nanlong am sa sangay taw Israel ay sa sangay taw Uda te,

Eremyas 5:4

Nu glong au, kanya fagayu sik ngay yud way e kwa ay at yud e fagsafulun. Aroro kanya fagayu sik ngay yud way saful at Dius Yawi at ngay balyawvtan.

Eremyas 6:10

Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 8:7

Ngay manuk tungud saful tua nu ginain nu nanlayug sa tibak talun ay nu ginain nu kafoli, dewa katanya, ku ngay taw wa nasaful ku ngay faugali.

Esekyel 12:2

“Taw at baguama, namanwan o sa sangay taw takamabo. Kanya fagayu e mata oma, dewa katanya, wa glag, ay e talinga oma, dewa katanya, wa gdungug, aroro kanya fagayu sik ngay takamabo way.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Markus 4:12

Laman kanya fag ngay taw, ‘dewa gdama, wa glag, aroro nu natogdungug di, kanya ban fag ngay taw umfoli sa angku, ay namalyam au at ngay asalanan.’ ”

Markus 8:18

O nunda dewam e mata, wam glag? O nunda dewam e talinga, wam gdungug? Ay o wam namatang? Gina au glungud limak tinapay, laman namayafun limak libuk taw, seyuk sabi mapnu ay nafaful at nagsawadan?” At ngay tagadal nabalus te, “Labi dua.”

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Fakamulun 28:26

‘Dius glong te, Loi wan sanya fag ngay taw ay longi te, Dewam gugat gdungugan, wam gtogdungug, ay dewam gugat gdama, wam glag.

Ruma 1:20

Aroro siginan ngay nu kawat fagdaul daga, Dius at ngay kaugalian at yud kalag, at masuad te, at yud katabu fag fagmabalyananun ay at fagmadiusun, ansure wan ay ansaful siginan at ngay awatan. Nu katanya, kafag ngay taw we famanlongan ya.

Ruma 11:8

At Rirukan nafoyung te, “Dius nafon sanya fag ngay taw sik maksvn fag fantiugun, laman at mata wa glag, ay at talinga wa gdungug dasug katsi.”

Deuterunumyu 29:3

Nalag am ebi at maksvn fag faurianan, ay at nafasure fag ngay fakamulun at maksvn nu madulo.

Deuterunumyu 29:4

Dewa katanya, dasug katsi Yawi ya nafafoli sa ayu ay ngay amatanganan at matuyan.

Deuterunumyu 32:6

Ngay taw at yud e fagsafulun, o nunda ban katanya way ay famafoli sas Yawi? O nunda bunwa sia ay Mama at nawat ayu, ay at nafasik gaban ayu?