Eremyas 5:2 - Fanawbuid tagsibaliwas Fakayabian

² Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Eremyas 5:2 ပူးပေါင်းရင်းမြစ်များ

Isayas 48:1

Dungugani, am, Akub at ngay kasugfunanan, at ngayan yangay te, Israel, tagsiginans Uda at kasugfunanan. Maksvn nu gfatuyanan am sas Yawi at ngayan nu get am sas Israel at Dius. Dewa katanya, kamaningan wayam, aroro wa matuyan ay ngay ugali.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 44:26

Dewa katanya, ngay taw Uda tagbanwan sis talun Igiptu dungugani ku longan. Gfatuyanan au te, siginan ban katsi, nusnga sinu fag taw we malong ya ku ngayan. Kwa ban kaylat ya nu glong am ku ngayan gina am gfatuyanan, ay nu glong am te, “Gfatuyanan au sas Fun Dius Yawi, tagleleg fag Dius.”

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Usea 10:4

Kanya fagayu garingang way lang, dewa katanya, we fakamulun. Kanya fagayu kamuag nu gfatuyanan, ay dewa e nasadian, wa gfafasludan. Ay nu katanya, at ngay mamalong kata way sik maganga fag makmak tagtugbung sit naali fag daga.

Usea 4:15

Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Lebitiku 19:12

“Lag gfatuyanan at yud matuyan sa ku ngayan, aroro takatanya gfauri wayam ku ngayan. Au Yawi.

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

1 Timuteu 1:10

ay sa tagfanugtug, ay sa tagtugtug at usama, ay sa tagfangkamul taw, ay sa takamuag, ay sa tagfoyung at yud matuyan ay sa takamabo at matuyan fag foyungan.

2 Timuteu 3:5

ay kamaningan glong te, “Gfaning ami Dius,” dewa katanya, we kalag sit ugali ay sit fakamulun. Lag o gfaning takatanya fag ngay taw.

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.