Eremyas 5:17 - Fanawbuid tagsibaliwas Fakayabian

¹⁷ Kanya ban fag gaban taw namamin ay ngay gutluan, ay ay ngay fakonun, ay namabul ay ngay sisian, ay ay ngay fagbaugun, ay namamin ay ngay tanum wat ubas ay anggan ay tanum igus. Ay nangiklas ban ay fagnansarigan fag ngay furuan ke alad.

Eremyas 5:17 ပူးပေါင်းရင်းမြစ်များ

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Isayas 62:9

Am tua ban taggutlu ay takon ay ngay trigu at rawvg, ay gfauseganan ban am angku. Ay am tua ban tagrabas ay ngay wat ubas at rawvg, ay taginum at mamam sa ku bale.”

Isayas 65:22

Ay bunwa ban at ngay fawayan at namanwan sat ngay bale, ay at nanggutlu at ngay fananumun. Aroro nu setain sik fun kayu nu ngaduge nu yud kayango, katanya yangay ban ku ngay taw nu gleleg, ay kanya tua ban fagayu tagagbilug at ngay nainlufuyan.

Eremyas 1:15

Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 25:37

Aroro Yawi maksvn nu kadotama, ngay fagfafangonan ngay fagbaugun umkata sik talun at yud e taw.

Eremyas 4:26

Nalag au sik gamasun tangayu gugat nu grawvg at kinkata sik talun at yud e taw. Siginans Yawi at dotama ngay furuan anrasras.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 5:18

“Dewa katanya, ginanya ban fag menit kwa ban gfamin ayu.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 50:7

Ay kanya fagayu naonan nusnga sinu at nalag anya fagayu. Ay at ngay fawayan glong te, ‘Kanya fagayu anke asalanan sas Yawi, at ngay mangaguyang at fagfiangalayan ay at fagsegun, nu katanya, wa tam e asalanan dewa tam nanamawayan anya fagayu.’

Eremyas 8:13

Gfabul kban anya fagayu, ay gbul kwa ban at ngay wat ubas ay igus, ay kwa ban gfae sawad ya, ay anggan ban at ngay don kalangke wan. Ay gbul kyay ban ku nafon sa anya.’ ”

Eremyas 8:16

Tam ngay fawayan at ngay kabayu nu gengasan kadungug siginans Dan. Ay si omay lang at ngay uni, fagdaul talun gtadtaruyan wan. Kanya fagayu andasug laman nanrasras tuy fag talun, ay ste fag furuan ay fagayu tagsanya.”

Takabalu 2:12

Kanya fagayu gwayway get fakonun ay mamam sat ngay mina. Aroro maksvn wan nu mamomuy, kata sik ngay tagfawayan at natayukan, ay kanya fagayu garimanan kabul gina at mina gsalilian.

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Esekyel 36:4

Nu katanya, dungugani angku, am fag ngay fungsu, fag ngay buksul, fag ngay datag, fag ngay fagfamiluganan mamam, ay fag ngay furuan at kinrasras wan ay at mabaluanan wan, tibak talun at nafawayan ay at nafalingun.

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Uel 2:3

Ngay liung masakit nu gfamin ngay tanum kata afuy nu girug. Gina kafag ngay liung kadasug, kafag talun masine oma kata tanuman Eden. Dewa katanya, ngay liung nu naon wan we fasawadan ya, ay ankata way lang at yud e taw fag talun.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Sefanias 3:6

Yawi nalong te, “Nafabul kwan tibak talun at ngay taw ay narasras kwan at ngay furuan anggan at ngay alad ay at fagulitan fag ngay afud alad at mogat. We sawad ya tagbanwan sanya fag ngay furuan, nu katanya, we glao ya sat ngay dalan.

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.