Eremyas 5:15 - Fanawbuid tagsibaliwas Fakayabian

¹⁵ Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Eremyas 5:15 ပူးပေါင်းရင်းမြစ်များ

Fakasigadan 11:7

Nu katanya, gtustus watam laman namasadsamanan tam at ngay fangaringang laman ban wa gtodtogdungugan ya.”

Alubad. 81:5

Ay nafoyung yangay sas Use at kasugfunanan, gina kanya fagayu glao siginans talun Igiptu. Ay nadungug au sik aringang, dewa katanya, kwa nasaful te, sinu at naringang.

Isayas 28:11

Kafag ngay taw wa kaylat gdungugan. Nu katanya, Yawi nangaringang sanya fagayu siginan tibak taw tagsaman at fangaringang.

Isayas 29:3

Namawayan kwa ban kafag furuan Erusalem. Namaligung au sik ngay turuk ngabat famawayan, ay namungsu au daga sa sangaba day alad laman at fakatoan.

Isayas 29:6

Ay au, Yawi at Mabalyanan, namamatang kban furuan Erusalem, ay umdasug kban gasfuan lingsi, ay uig, ay sik awang, ay tagbaribungan fag tagmara, ay fulug, ay tagigang fag afuy.

Isayas 33:19

Ay dewa katanya, wa ban am lumag kanya fag ngay takamatungudun, tagaringang ay fagyudun saful fag fangaringang.

Isayas 39:3

Ay Isayas fag taglong nalao sas fun Esekyas ay nainto te, “Daginan kanya fag ngay taw ay nataw at algan?” Ay Esekyas nabalus te, “Kanya andasug siginans tangayayu fag talun, siginans Babilunya.”

Isayas 5:26

Ay kanya gyafe at daluap sa sangay taw sa tangayayu ngay talun, ay giful laman ngay taw tagbanwan sa tangayayu fag fatuan daga. Ay masakit kadasug sa Erusalem laman namawayan at ngay taw.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Eremyas 1:15

Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 2:26

Ngay taw Israel, umkapla ban am kata at nagamatan fag tagfangkamul. Gafaplan ban am, anggan ay ngay fun, ay ay ngay tagfangguna, ay ay ngay tagfon fanggalangun ay ay ngay taglong.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 5:11

Ngay taw Israel ay ngay taw Uda wa matuyan ya sa angku. Au, Yawi, taglong tuy.

Eremyas 6:22

Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Eremyas 9:26

ngay taw Igiptu, ngay taw Uda, ngay taw Edum, ngay taw Amun, ngay taw Muab, ay fagayu tagbanwan sa tangayayu fag ngay talun tagagangun. At matuyan, kanya fag ngay taw anggan ngay taw Israel kata way nu yud nafae fakatoglagan.”

Esekyel 18:31

Ngay taw Israel, wain ay fakaylatun kabul? Faragangi wan nu gfakamulun am at mauri, ay tubusi wan ay ugali at yud matuyan.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 7:7

“Ginanya yangay fag yabi, nalag au at faufatk mangilafang. Kanya malimu ay magaras. Kanya nayukfu ay naramyuk at ngay nagamat siginan at bagang fag sanbung, ay kanya gsiad wan at nagsawadan. Kafag mangilafang saman way at tuluk mangilafang aroro kanya e safuluk sunge.

Amus 6:14

Katatuy Yawi at Mabalyanan fag Dius at famalus: “Ngay taw Israel, nansugu kban sa ayu sik talun laman namawayan ayu. Ay kafag talun ban namaurianan ayu ay nangagbilug ay ngay furuan gfasigad siginans Lebu-Amat sitsigons datag Araba.”

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

1 Kurintu 14:21

Katatuy Muisis at Faugali: “Tam Fun nalong te, Namaaringang kban sanya fag ngay taw tagsiginans ngay talun tagsadsamanan at ngay fangaringang, ay siginan tangayayu fag talun at taw, laman namoyung au sa anya fagayu, ay dewa katanya kafag ngay taw wa ban kaylat gdungugan angku.”

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.