Eremyas 5:13 - Fanawbuid tagsibaliwas Fakayabian

¹³ Ngay taglong at ngay foyungan we tungkul ya aroro wa siginan angku. Umfasludan nangus sa anya fagayu at nalong fag ngay faurianan.”

Eremyas 5:13 ပူးပေါင်းရင်းမြစ်များ

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Ub 6:26

O kaylat am gfakasakan ku ngay nalong, ay gamatangan am manga te, we tungkul sik taw tagidapan at longan?

Ub 8:2

“Seduge ya ban nu garingang o takatanya? We masuad am ngay aringang.

Fangatulun 25:14

Sik taw at yud gfafasludan at fatuyanan, kata sik linyabu ay tagmara at yud e arak.

Isayas 41:29

Kafag ngay fagsegan we masuad, ay we fagmafafakamulunun, kata way sik tagmara.”

Eremyas 14:13

Dewa katanya, nalong au te, “Yawi em Fun, saful wo ngay taglong glong gugat sa anya fagayu te, ‘Wa ban e awayan ay e fanlunus takadasug aroro Yawi glong te, gfon kban gugat fagmanabayanun ste fag talun.’ ”

Eremyas 14:15

Nu katanya, au, Yawi, glong au te, namaurianan kwan kanya fag ngay taglong. Kanya fagayu gagbilug ku ngayan deyud au nafoyung ay glong te, ‘Wa ban e awayan ay e fanlunus iste fag talun.’ Dewa katanya, kanya ban fagayu umfaurianan sas awayan ay sas fanlunus.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 22:22

Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 28:3

Si bans faduak banwa, gfafoli kwan sa ku bale ngay fagagbilugun fun Nabukudunusur, talun Babilunya at fun, at nabul ay at nabuba sat talun.

Eremyas 43:2

Asarya, Usaya at baguama, ay Ukanan, Kareak at baguama, ay tiba yak mangama takamuag nalong sas Eremyas te, “Kamuag way o! Yawi em Dius wa nasugu emu laman nanlong o sa emi te, wami masine glao sas talun Igiptu laman namanwan sanya.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.