Eremyas 5:1 - Fanawbuid tagsibaliwas Fakayabian

¹ Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Eremyas 5:1 ပူးပေါင်းရင်းမြစ်များ

1 Fun 19:10

Ay Elyas nabalus te, “Yawi, Dius at mabalyanan, matuyan tua nu gfakamulun au sa emu. Dewa katanya, ngay taw Israel natalyuyan way at fagmasadiun sa emu, ay kanya fagayu narasras at ngay fagnangirugan fanggalangun laman sa emu, ay nafabul am ngay taglong. Au way lang at sawad, nustua gyafabulun yangay angku.”

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Alubad. 12:1

Yawi, gubuki angku, aroro we gfaning ya emu, ay we matuyan ya.

Alubad. 14:2

Siginans banwa Yawi gdama te, o e ngay taw yay tagtogdungug ay tagrvbvy yay anya.

Alubad. 14:3

Dewa katanya, we matuyan ya! Fagayu taw maksvn at asalanan, ay nasaruy wan at matuyan fag dalan. Ay nusdi sadi, we gfakamulun ya at masine.

Alubad. 94:16

Dius, sinu ya ku tagfalangfe sa sangay taw mauri, ay tagfadiuganan angku? At matuyan, o tua.

Fangatulun 20:6

Ngayuk taw taglong te, matuyan ami, dewa katanya, sinu nunda si anya at matuyan?

Fangatulun 23:23

Ugatani fabanwani si emu at matuyan, ay fagmamatanganun, ay foyungan ay fagtogdungugun. Lag o gfabangsi tuy fagayu sas nusnga setaw.

Fangatulun 8:3

ay sas furuan daul at ngay sakbawan, ay sa sangay dalan. Ay kanya maksvn nu guro te,

Sulumun at Alubad 3:2

Nu katanya, anfulo au, laman nanrvbvy anya, ay anfagdaul kwan furuan daul, anggan sa sangay dalan, ay sa sangay fagaweanan, dewa katanya, kwa nalag.

Isayas 59:4

Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Eremyas 2:29

Nu katanya, wain ay fagnangetun yay sa angku? O nunda wam nafabadbaboan angku?

Eremyas 44:15

Ngayuk taw Udyu at maful ay tagdungugan Eremyas. Kanya fagayu tagbanwan sas fawalan ay sas fasiunan fag alvngvdan sis talun Igiptu. Sanya fag ngay mangama at nasaful te, at ngay mangena girug ngay famaebebanglu laman sat ngay fagsegan, ay fagayu mangena at maful nalong sas Eremyas te,

Eremyas 8:6

Nadungug kwan fagayu ay ngay nalong, dewa katanya, wa matuyan. Nusdi sadi si ayu we natalyuyan ay fagmauriun. Ay we ginto sat sadili te, “Wain ku fagnafakamulunun takatatuy?” Abat ngate, galay am at sadi gfataglayun wayam sas fagmauriun kasakit sik kabayu nu glagyu sas awayan.

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Eremyas 9:7

Nu katanya, Yawi at Mabalyanan nalong te, “Namasine kban kanya fag ngay taw, kata nu gfasine gintu, ay namaskud kban anya fagayu. Nataw ya ro ku fagmafakamulunun sa anya fagayu?

Esekyel 22:30

“Narvbvy au sik taw at magubuk furuan Erusalem, ay tagwabilug angku sa sangay taw laman ban kwa grasras at furuan, ay kwe nalag.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Uel 2:9

Kafag ngay liung namawayan furuan ay nangkato sa tangabat fag ngay alad. Ay nangkato yangay sa sangay bale, ay gdalan sas fagbanawanan kata sik tagfangkamul.

Amus 8:12

Maksvn wan nu kalufuy am laman grvbvy tagfoyung ayu ku longan, dewa katanya, wam e lagan.

Sakaryas 2:4

Ay kanya nalong sa tagfakamatoan angku fag tagbarita te, “Sakiti tua ay nanlong o sanya fag mangama at ke buba famasudsudan te, Erusalem umsik furuan at yud ya e dingding alad aroro ngayu wan ngay taw tagbanwan sanya ay at ngay fagbaugun.

Lukas 14:21

“At fagsuguan anfoli ay nafoyung sat fun. At fun kadotama ay nalong sat fagsuguan te, ‘Masakiti sa sangay dalan ayu daul ay sa sangay dalan ayu sirut sa tam furuan, ay fastei ngay taw at yud e kwa, ay at yud mafalelegan at take ay at bitis, ay at yud glag, ay anggan at yud malo.’

2 Tesalunika 2:10

Ay kanya ban nanfamuag sas nusnga setaw fag balyawvtan sas fagayu taw tagafaurianan ban, at yud kaylat gfaning at matuyan laman kalangfe.