Eremyas 49:8 - Fanawbuid tagsibaliwas Fakayabian

⁸ “Am, fag ngay taw Dedan, lagyui ay nanuksuan am sa sangay luib. Aroro gfadasug kban faurianan sas Isaw at kasugfunanan gina kban gfaurianan anya fagayu.

Eremyas 49:8 ပူးပေါင်းရင်းမြစ်များ

Isayas 2:21

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban gfabulun glagyu nanuksuan sa sangay gang tagbia ay sa sangay daga luib sa sangay fungsu.

Isayas 21:13

Katatuy at foyungan sabaliwas Arabya: Am fag ngay taw Dedan, taggabanan gadgalinan sas talun Arabya,

Isayas 34:5

Yawi nu ntabu gagbilug at fiso sis banwa, kanya nangagbilug yangay at fiso sas Edum laman namamin.

Eremyas 25:23

sis Dedan, Tema, Bus, ay si tangayayu fag ngay talun,

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 48:28

Loi wan siginan ay furuan ay namanwan am sa tagagangun fag talun, kata ngay alfasang nu gfugad sa sangay luib si tangabat fag fungsu.

Eremyas 48:44

Nusnga sinu ban at nalagyu aroro kalimu umtong sasad lusung. Ay nusnga sinu at kinlangfe siginans lusung umsangdaw sas sangdaw, aroro gfaurianan kwan Muab nu ndasug ban ku nafalganan fag buknga. Au, Yawi, taglong tuy.

Eremyas 48:6

Falangfei ay ngay sadili! Ay lagyui wan sas talun at yud e taw.

Eremyas 49:30

Ngay taw Kasur, abanganani tua ay lagyui wan! Au Yawi glong au ayu te, nanuksuan wam sa sangay luib. Nabukudunusur, Babilunya at fun, e algan namaurianan ayu.

Eremyas 49:32

Ay fagayu ban at kamelyu ay fagayu at fagbaugun am wan tagagbilug. Gfasaruayan kban kanya fag ngay taw sa tangayayu fag ngay talun ay gfadasug kban sa anya fagayu ngay faurianan dewa ndaginan. Au, Yawi, taglong tuy.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Esekyel 25:13

Nu katanya, au, Fun Dius Yawi, glong au te, namaurianan kban Edum; namabul kban kanya fag ngay taw gasfuan at ngay fagbaugun. Namasik mabaluanan kban siginans furuan Teman sitsigons Dedan, ay fagayu ban tagbanwan sanya nangabul sas awayan.

Malakyas 1:3

ay kwa nesug Isaw. Ay narasras kwan Isaw at fagagbilugun fag ngay buksul, ay tagbanwan sanya, ngay mela way lang.

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

At Nafasure 6:15

Ay ngay fun ste swa daga, ay ngay tagfangguna, ay ngay fun tagfawayan, ay at maramraman, ay at ke ngay fanambagun, ay nusnga sinu fag taw, dewa sik fagsuguan, ay dewa yud fagsuguan, nasuksuan sa sangay luib ay sa sangay wabilug gang ay sa sangay buksul.

Tagfangguna 6:2

Ay kafag ngay taw Midyan maksvn nu gfaurianan ngay taw Israel, nu katanya, taw Israel nalagyu ay nanuksuan sa sangay buksul, ay sa sangay luib, ay sa tiba yak fagsuksuanan at masariu.

1 Samwel 13:6

Ngay taw Israel nu nasaful te, gababawan way ro, kanya fagayu nananuksuan sa sangay luib ay sas wa sigbo ay sas wa gang ay sa sangay alian ay sa sangay fagfungsuan mamam.