Eremyas 49:7 - Fanawbuid tagsibaliwas Fakayabian

⁷ Katatuy Yawi at Mabalyanan at longan sabaliwas Edum: “Dada wan at ke fagsafulun sis Teman? O we tagsaful ya gfalu longan?

Eremyas 49:7 ပူးပေါင်းရင်းမြစ်များ

Fakasigadan 25:30

Isaw nalong sas Akub te, “Foni angku kanya am nafatama at ke sabo.” (Isaw at ngayan yangay te, Edum.)

Fakasigadan 27:41

Isaw maksvn nu kadotama Akub aroro siginan at mama at nafadantean Akub. Nu katanya, Isaw gamatangan te, “Ku mama gakabulun wan; ay gina ban anbul, namabul kwan ku arian Akub.”

Fakasigadan 32:3

Akub nasugu at ngay tagfosuk longan laman nangguna anya ay nanlag at faduksay Isaw sas talun Seir, sik talun at ngayan yangay te, Edum.

Fakasigadan 36:11

Ay Elifas at ngay baguama: Teman, Umar, Sefu, Gatam ay Kenas.

Fakasigadan 36:15

Kayu tuy Isaw at ngay kasugfunanan at kinsik ngay tagfangguna sat ngay gaban: Tagsiginan at tiba kaka, Elifas at kasugfunanan: Teman, Umar, Sefu, Kenas,

Fakasigadan 36:34

Ay Ubab nu nbul wan, Kusam tagsiginans Teman natubus anya.

Fakasigadan 36:8

Nu katanya, Isaw (at ngayan yangay te, Edum) nu gbanwan siwas Buksul Seir.

1 Krunika 1:53

Kenas, Teman, Mibsar,

Ub 2:11

Ub at fagadgalangan at tulu nadungug at kindasug sa anya. Kafag tulu at ngay ngayan te, Elifas sik taw Teman, ay Bildad sik taw Sua, ay Sufar sik taw Naama. Ay mangama tulu ansadi nansibo Ub laman namalag te, kabalu yangay, ay laman namasun anya.

Ub 4:1

Ay Elifas tagsiginans Teman nabalus te,

Alubad. 137:7

Yawi, amatangi ngay taw Edum at ngay nalong gina talun Babilunya at ngay tagfawayan giklas Erusalem. Kanya fagayu nalong te, “Iklasi wan ay rufai kafag furuan!”

Isayas 21:11

Katatuy at foyungan sabaliwas Edum: E sik taw siginans Edum taginto gugat sa angku te, “Tagulit, o glugo yay ro manga nu kamenit?”

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 25:21

Edum, Muab, Amun,

Eremyas 25:23

sis Dedan, Tema, Bus, ay si tangayayu fag ngay talun,

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 49:20

Nu katanya, dungugani, katatuy ku algan ku fagnamakamulunun sas Edum ay sa sangay taw Teman: Gtaban kban at ngay sisian ay nanrasras kban at ngay fagbanwanan.

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Esekyel 32:29

“Ay Edum at fun ay fagayu at ngay tagfangguna sanya yangay fag fagfolian. Ebi, kanya fag ngay taw mabalyanan tua, dewa katanya katsi, mafolian wan magamut at ngay kinbul sis awayan at yud gafanud sas Dius.

Daniel 11:41

Kanya namawayan yangay Israel fag talun masine, ay ngayu bank taw takabul. Dewa katanya, kanya ban wa gbabo Edum, Muab ay Amun at ngay tagfangguna.

Uel 3:19

Igiptu ban umsik mabalu fag talun ay Edum ban umsik yud e taw fag talun, aroro nafaurianan ngay taw Uda, ay nafabul ngay taw at yud e asalanan.

Abakuk 3:3

O wan at yud e malong fag Dius takadasug siginans Teman ay buksul Paran. Am fagmasuloun anfagdaul banwa, nu katanya, fagayu taw sas fagdaul daga, sumeg emu.

Deuterunumyu 23:7

Lag am kauri ngay taw Edum, aroro kanya ay kalongan way. Lag yangay ban kauri ngay taw Igiptu aroro nabanwan am sit daga kata sik ngay betaw tagsiginan tangayayu fag talun.