Eremyas 49:4 - Fanawbuid tagsibaliwas Fakayabian

⁴ Am fag ngay taw takamabo, wain ay fakamatungudunun ay gamasun tangayu nu ggutlu? Gafanud am sa ay ngay ramraman ay glong am te, ‘We namawayan ya emi.’

Eremyas 49:4 ပူးပေါင်းရင်းမြစ်များ

Alubad. 49:6

Kafag ngay taw tagseg ay takamatungudun sat ramraman.

Alubad. 52:7

“Damai, kafag taw at yud gafanud sas Dius laman at tagbalabag. Abat ngate, kanya gseg way sat ngay ramraman laman kalangfe, ay aroro mangaro gfamut way at fagmabitsugun siginan nu gfamin at iba.”

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Fangatulun 10:15

At maramraman fag taw at fagsegun at ramraman ban mafagubuk tua anya, ay sik taw at yud e kwa, gidapan aroro we ramraman.

Eremyas 21:13

Ku ngay fawayan fag ngay taw Erusalem tagbanwan sis tungud buksul fag datag, kamatungudun am glong te, “We manamawayan antam ste tam fagbanwanan at mogat!”

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Eremyas 48:7

Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

Eremyas 49:16

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu. Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Usea 4:16

Aroro ngay taw Israel kamaogatun at amatanganan, kata sik tumad baka tina at yud magup. Nu katanya, tain ro nu mafaulit au anya fagayu kata sik ngay tupa sas fagnamafangonan?

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

At Nafasure 18:7

Nusnga setaw nu gfauseganan at sadili, faurianani ay fae fakabaluuni yangay anya, aroro kanya glong sat sadili te, Malunggung au kata sik mangena fag fun, bundi au sik fagbubayun, ay kabavn ban kwa kabalu.