Eremyas 49:23 - Fanawbuid tagsibaliwas Fakayabian

²³ Katatuy Yawi at longan sabaliwas Damasku: “Ngay taw Amat ay ngay taw Arpad kalimu at nadungug fag barita at malimu. Kanya fagayu gidapan ay gafanawa ay wa kagwanta kata dagat nu glugwak.

Eremyas 49:23 ပူးပေါင်းရင်းမြစ်များ

Fakasigadan 14:15

Ay nu nyabi wan, Abram nafaduak afud at ngay tagfawayan, ay nanamawayan at ngay fawayan ay nababo. Ay tiba at fawayan at nalagyu, Abram at ngay tagfawayan nanamafalo sitsigons Kuba ay nalangfe yay Damasku.

Fakasigadan 15:2

Dewa katanya, Abram ginto te, “Fun Dius Yawi, nataw ban at fanambagun am fagnamonun sa angku? Dasug katsi kye sisian. Newa ban Elyeser way tagsiginans furuan Damasku tagungbus angku.

2 Samwel 17:10

Ay anggan am ngay tagfawayan at maseganama kata sik liun, umlimu. Aroro fagayu taw Israel nasaful te, am mama sik tagsaful gfawayan ay anggan at ngay tagfawayan maseganama.

2 Samwel 8:9

Ay Tou, talun Amat at fun nu nadungug te, Dabid nababo fun Adadeser at ngay tagfawayan,

1 Fun 11:24

Resun nafaful sik ngay mangama laman sik ngay takamabo. Gina Dabid namabul anya fagayu, kanya nalao sas furuan Damasku, ay nabanwan sanya, ay Resun nagbilug ay gfunan sanya fag talun.

2 Fun 17:24

Asirya at fun nasugu ngay taw siginan sangay furuan Babilunya, Kuta, Aba, Amat ay Sefarbaim, ay nafabanwan kafag ngay taw sa sangay furuan tagsis Samarya laman famaungbus ngay taw Israel. Nu katanya, ngay taw Asirya nagbilug Samarya ay tiba yak furuan sis Israel.

2 Fun 18:34

Dada wan furuan Amat, Arpad ay Sefarbaim, Ena, ay Iba at ngay fagsegan? O nunda kanya nafalangfe Samarya siginan ku daluap?

2 Fun 19:13

O nunda ngay fun si sangay furuan Amat, Arpad, Sefarbaim, Ena, ay Iba nafalangfe at ngay taw?”

2 Fun 5:12

Liskung Abana ay Farpar fag duak liskung tagsis Damasku, amasine yap tua tagsis Israel fag ngay liskung. Wain fagyudun sanya nu nangigus au laman umfia au?” Nu katanya, kanya nalao gindotaman.

2 Krunika 16:2

Ay Asa nasugu laman namul ngay salapi ay gintu siginans fagfungsuan ngay ramraman sis Yawi at bale, ay siginan at sadili bale. Ay kanya nanamon sas fun Ben-Adad talun Aram at fun, tagbanwan sis furuan Damasku.

Nu Galin 15:15

Ay Edum ay Muab at ngay tagfangguna gtadtaruyan yangay ban kalimu, ay ngay taw Kanaan gtadtaruyan yangay.

Isayas 10:9

O nunda wa gsudan at kinfasludan sa ngay furuan Karkemis, Kalnu, Arpad, Amat, Damasku ay Samarya? Narasras kwan kanya fag ngay furuan!

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 13:7

Ginanya ban fag menit, ngay taw ban at ngay take umlukme. Ay fagayu taw ummomuy,

Isayas 36:19

Dada wan furuan Amat, Arpad ay Sefarbaim at ngay fagsegan? O nunda kanya nafalangfe Samarya siginan ku daluap?

Isayas 37:13

O nunda ngay fun si sangay furuan Amat, Arpad, Sefarbaim, Ena, ay Iba nafalangfe at ngay taw?”

Isayas 57:20

Dewa katanya, at mauri fag ngay taw wa manabayan. Kanya fagayu kata way sik lugwak tagfalimus ngay lifak ay ngay nagukasan sis tigyangan dagat.

Isayas 7:8

Aroro talun Sirya wa gtungud furuan daul Damasku, nu inda fun Resin nu gfunan. Ay Damasku wa yangay gtungud at fun Resin. Ay talun Israel wa gtungud furuan daul Samarya, nu inda fun Peka nu gfunan. Ay Samarya wa yangay gtungud at fun Peka. Ay e rumasras ban talun Israel nu nlangfe unumk safulu e limak banwa, ay wa ban kangayan ya te, sik talun at taw. Ay am fag ngay taw Uda, nu dway mogat ay fagafanudun sas Dius, wa yangay ban am mogat.’ ”

Eremyas 39:5

Ay talun Babilunya at ngay tagfawayan nafafalo ay nasud sis datag tagsis furuan Eriku. Ay kanya fagayu nagamat fun Sedekya ay nataban sas fun Nabukudunusur sas furuan Ribla, tagsis talun Amat. Ay sanya wan fun Nabukudunusur nu gtuyan te, fabuli wan Sedekya.

Esekyel 27:18

“ ‘Ngay taw Damasku nanamabangsi yangay sa emu aroro maksvn nu maramraman o. Ay at famayad fanlangu tagsiginans talun Kelbun ay ramit malaksi at mawatan siginans tupa at sigyu siginans talun Saar.

Amus 6:2

Damai furuan Kalne, ay Kamat fag furuan daul, ay furuan Gat tagsis talun Filistia. O nunda kanya amabalyanan yap tua talun Uda ay talun Israel at fagfagtainanan? O ay at talun gtungud yay ay talun?

Naum 2:10

Nu katanya, furuan Ninibe umrasras, umkamin, ay umbalu! Ay fagayu tagbanwan sanya umlimu, ay ummomuy, ay gfandeng ay gtadtaruyan.

Tap 13:21

Nu katanya, kanya fag ngay taw nalo wan, ay nanginsaful siginans Sin fag talun at yud e taw, sitsigons furuan Rekub, munakbang sis Lebu-Kamat.

Fakamulun 27:20

Ngayu wak menit nu yud ami glag ya menit ay anggan ngay galeme ay wa karagang ya nu gfulug, ay gafanawa ami te, wa ban mi anlangfe ya.

Fakamulun 9:2

laman nanget sik rirukan at fagfalagun sa sangay taw Udyu sa sangay bale fakafulan sis Damasku, laman mananggamat ngay mangama ay ngay mangena tagfaning at foyungan sabaliwas Isus, ay arodi namuba sas Erusalem laman nangubung.

2 Kurintu. 11:32

Ay gina au sis furuan Damasku, fun Aretas nafaulit sat ngay tagulit fagayu sakbawan furuan laman nanggamat angku.

Deuterunumyu 20:8

Ay ay ngay tagfangguna gfataglayun glong te, “Nu e kalimu yay ay e gtadtaruyan si ayu ulii yap, aroro at ngay fadgaloan mafaning anya umlimu ay tumadtaruyan.”

Uswe 14:8

Dewa katanya, ku ngay ufud nafalimu way tam ngay taw. Ay au nafaning ktua Yawi.

Uswe 2:11

Nu nadungug ami takatanya, anlimu ami maksvn, ay galay at sadi anmomuy, aroro ay Dius Yawi, banwa tua ay daga at Dius.