Eremyas 49:22 - Fanawbuid tagsibaliwas Fakayabian

²² Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Eremyas 49:22 ပူးပေါင်းရင်းမြစ်များ

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Isayas 13:8

ay tumadtaruyan kalimu, ay dumalan ban at maksvn fag fagidapun kaksvn sik mangena nu gidapan gina gfasalug. Ay kafag ngay taw dumaddamaan, ay at kaksvnan nu kalimu, at ngay kamatan umraska.

Eremyas 49:24

Ngay taw Damasku kamomuy ay glagyu aroro kalimu. Kanya fagayu maksvn nu kalimu, ay gidapan gamatangan kata sik mangena tagafasalugun.

Eremyas 30:6

E fagintoun au sa ayu. O batang wam e nalag sik mangama tagfasalug? Ay wain ku fagelaganun at mabitsug fag ngay mangama takalaksi wan, ay tagted at ungdan kata sik mangena tagafasalugun?

Eremyas 6:24

Nu nadungug ami takatanya, anmomuy ami ay kalimu ami ay e faganinianun kata sik mangena tagafasalugun wan.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

Daniel 7:4

“Taguna fag mangilafang kata sik liun, ay e fakfak kata sik manuk tungud. Nalag au at fakfak nu kagatvng. Ay kanya namalindug kata sik taw ay anke amatanganan kata sik taw.

Eremyas 22:23

Am fag ngay tagbanwan sis furuan Erusalem fag bale daul tangabat at mawatan kayu sidru tagsiginans Lebanun, mafanyuan ban am gina ban andasug sa ayu fagidapun, kata ban am sik mangena tagidapan nu gfasalug.

Eremyas 13:21

Tain ro am namatangan at nagbilug emu nu am fagadgalangan way fag talun? O nunda ro nu gamatangan o wa kata sik mangena tagafasalugun wan?

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Isayas 26:17

Yawi, glag tuo em fagidapun. Kata wami sik mangena tagfasalug nu guro aroro maksvn nu kasait.

Isayas 21:3

Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Fangatulun 30:19

Taguna, nu setain bio nu glayug sis kiwang, ay at fadua, ule nu galafangan sas wa gang, ay at fatulu, sakayan lino nu gfioan sis fagngabasadan dagat, ay at faufat, mangama ay mangena nu kedkesugan.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Eremyas 50:36

Ay namaurianan yangay takamuagan fag ngay taglong ay kanya fagayu umsik yud e fagsafulun! Ay namaurianan yangay at ngay tagfawayan, ay kanya fagayu umlimu maksvn!

Ubadyas 1:9

Ay am fag ngay tagfawayan sis furuan Teman, gtadtaruyan ban am kalimu. Ay am tagbanwan sis Isaw at fagagbilugun fag ngay buksul, umbul ban am.

Eremyas 50:43

Ay talun Babilunya at fun nu nadungug takatanya, anmomuy, kalimu ay e faganinianun kata sik mangena tagafasalugun wan.