Eremyas 49:2 - Fanawbuid tagsibaliwas Fakayabian

² “Au, Yawi, glong au te, kadasug ban sik menit, namafawayan au sik ngay fawayan sas Raba. Namarasras kban ay furuan daul, ay girug ban ay ngay furuan ayu sirut tagsi ay ngay ligung. Siginan ban takatanya fag balyawvtan, ngay taw Israel nangaiyan ngay taw at naiyan anya fagayu.

Eremyas 49:2 ပူးပေါင်းရင်းမြစ်များ

2 Samwel 11:1

Gina ngay fun namawayan fag buknga, Dabid wa nanangalo, anfamato way sis Erusalem. Ay kanya nafalao sas fagawayanan Uab ay Israel at ngay tagfawayan. Ay kanya fagayu nababo ngay taw Amun ay naligung furuan Raba.

Alubad. 48:11

Sis Buksul Siun ay sis Uda fag ngay furuan at ngay taw guseganan, aroro matuyan tua am ngay balyawvtan.

Alubad. 97:8

Yawi, ngay taw tagsis furuan Siun ay tagsis Uda fag ngay furuan nu nadungug te, matuyan nu gfawabilugan o, kanya fagayu maksvn nu guseganan.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 17:1

Katatuy at foyungan sabaliwas furuan Damasku: “Dungugani! Wa ban glugo ya Damasku bunwa sik furuan ya aroro umrasras.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 49:1

Katatuy Yawi at longan sabaliwa ngay taw Amun: “Am tagseg Mulek fag fagsegan, wain ay fagnamanwanun sas Gad fag ngay furuan? O nunda Israel we kasugfunanan ya at nangagbilug kanya fag daga?

Esekyel 21:20

At sadi tagsas Raba, tagbia fag furuan sis Amun, ay at fadua tagsas furuan Erusalem tagbia fag furuan sis talun Uda at mafatungluan alad gang.

Esekyel 21:25

“ ‘Israel at fun at maksvn nu mauri, katsi faurianan andasug yangay sa emu.

Amus 1:14

Nu katanya, nangirug kban furuan Raba at ngay alad gasfuan at mogat fag ngay afud, kaduge at ngay fawayan gudguroan kata sik fulug nu kalung.

Ubadyas 1:19

“Ngay taw Israel tagbanwan sis talun Negeb, nangagbilug ban Isaw at fagagbilugun fag ngay buksul. Ay ngay taw Israel tagbanwan sa sangay buksul, nangagbilug ban ngay taw Filistia at talun, ay nangagbilug yangay ban Efraim ay Samarya fag talun, ay Benamin ban at kasugfunanan nangagbilug Gilyad fag talun.

Tap 10:9

“Nu ndasug ban am sa ay fagnangagbilugun fag talun ay gina ban am gfawayan ay ngay fawayan at nafalingun ayu, fawangi ban ay ngay budyung, ay ginanya ban, au, ay Dius Yawi, gamatang au ay gfalangfe ayu siginan ay ngay fawayan.

Tap 21:25

Nu katanya, ngay taw Israel nagbilug ngay taw Amur at furuan fagayu ay anggan furuan Kesbun ay fagayu furuan ayu sirut sit ligung, ay kanya fagayu nabanwan sanya.

Deuterunumyu 13:16

Ay fafuli fagayu ay nabul sanya ginan fag furuan ay folii sas wabilug fagaweanan ay irugi laman sik fagirugun fag fanggalangun sa ay Dius Yawi. Ay kanya ban fag furuan maiklasan way gugat, ay wa masine ya gdog nangawat.

Deuterunumyu 3:11

(Ug way lang fag fun at sawad si sangay taw Refa at kasugfunanan. At fagtiugan at mawatan sanbung, at kabaan labi tuluk siklang ay at rafad unumk siklang. Dasug katsi, kanya fag fagtiugan siyays Raba, ngay taw Amun at furuan daul.)

Uswe 17:11

Tuy Isakar ay Aser at kasugfunanan at nafon fag ngay furuan ayu daul sas Manase at kasugfunanan: Bet-San, Ibleam, Dur, Endur, Taanak, Megidu, ay at ngay furuan ayu sirut sit ligung.

Uswe 17:16

Use at ngay kasugfunanan nalong te, “Talun ke ngay buksul alay yay laman sa emi. Ay wami mababo ngay taw Kanaan sisad datag aroro kanya fagayu e ngay faguyudan at mawatan sanbung. Katanya yangay ngay taw Kanaan tagsis Bet-San ay sa sangay furuan ayu sirut sat ligung ay sas datag Esreel.”