Eremyas 49:13 - Fanawbuid tagsibaliwas Fakayabian

¹³ Gtuyan au te, furuan Busra ban umrasras wan. Ay malimu ban at kayaunanan, ay gafalingunan ay gafaurianan. Ay fagayu ban at furuan marasrasan way gugat. Au, Yawi, taglong tuy.”

Eremyas 49:13 ပူးပေါင်းရင်းမြစ်များ

Fakasigadan 22:16

ay glong te, “Yawi nalong te, ‘Gfatuyanan au te,

Fakasigadan 36:33

Ay kanya nu nbul wan, Ubab, Sera at baguama tagsiginans Busra natubus anya.

1 Krunika 1:44

Ay Bela nu nbul wan, Ubab, Sera at baguama tagsiginans Busra natubus anya.

Isayas 34:6

Yawi at fiso gatabaun ay gatagukun, kata nu gfilas sik ngay fanggalangun fag kambing ay tupa. Aroro Yawi namabul ban fagayu taw Busra kata sik fanggalangun. Ay ngayu yay at fagnamabulun sis talun Edum.

Isayas 45:23

Gtuyan au te, fagayu ku ngay nalong di ban ginbalian. Fagayu taw nantudan laman gseg angku, ay namatuyanan te, gfaning ban angku.

Isayas 63:1

Sinu kanya takadasug siginans furuan Busra tagsis talun Edum, ay at ke lanbung masine at nadagatun maraska? Kanya kadasug e fagmabalyananun. Yawi wan takadasug, kanya e fagmabalyananun gfalangfe, ay nafoyung te, at ngay taw ban gbabo.

Eremyas 18:16

Nu katanya, at talun ban umsik mabaluanan ay umsik tagafalingunan ban gugat. Ay fagayu ban tagdalan sanya maksvn nu kalimu ay gtadtaruyan.

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Eremyas 44:26

Dewa katanya, ngay taw Uda tagbanwan sis talun Igiptu dungugani ku longan. Gfatuyanan au te, siginan ban katsi, nusnga sinu fag taw we malong ya ku ngayan. Kwa ban kaylat ya nu glong am ku ngayan gina am gfatuyanan, ay nu glong am te, “Gfatuyanan au sas Fun Dius Yawi, tagleleg fag Dius.”

Eremyas 48:24

Keryut ay Busra. Faurianan kadasug wan sanya fag ngay furuan tagsis Muab, dewa tangayayu ay at munakbang.

Eremyas 49:22

Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Eremyas 51:14

Yawi at Mabalyanan nafatuyanan te, “Gfadasug kban sa ayu sik ngay fawayan kayu ngay liung, ay kanya ban fagayu guro te, nababo wami ayu.”

Uel 3:19

Igiptu ban umsik mabalu fag talun ay Edum ban umsik yud e taw fag talun, aroro nafaurianan ngay taw Uda, ay nafabul ngay taw at yud e asalanan.

Amus 1:12

Nu katanya, nangirug kban Teman gasfuan Busra at mogat fag ngay afud.”

Amus 6:8

Fun Dius Yawi nafaksvn nu glong te, “Kauri au Akub at kasugfunanan nu kamatungudun, ay kwa kaylat sit ngay furuan at mogat fag ngay afud. Nu katanya, namagbilug kban anya fagayu sat ngay fawayan, at furuan daul ay fagayu tagsanya.”

Ubadyas 1:18

Akub ban ay Use at kasugfunanan umkata sik afuy, ay namamin ban Isaw at kasugfunanan, ay Isaw ban umkata sik nagbiluganan fare at masakit nu kairug, yakmay namin. Au, Yawi, taglong tuy.