Eremyas 49:11 - Fanawbuid tagsibaliwas Fakayabian

¹¹ Dewa katanya, kafamato ban si angku ay ngay kaiban at yud e fagtainan ya, ay nanggubuk kban anya fagayu. Ay ay ngay fagbubayun ban gseg tua angku.”

Eremyas 49:11 ပူးပေါင်းရင်းမြစ်များ

Alubad. 146:9

Kanya galaga tua ngay betaw, ay ggubuk at yud e fagtainan ya anggan ngay fagbubayun. Dewa katanya, kanya gsalag way ngay taw mauri at ngay algan.

Alubad. 68:5

Dius gbanwan sit fagbanwanan at yud e malong, ay kanya galaga ngay sisian at yud e fagtainan ya, ay ggubuk ngay fagbubayun.

Alubad. 82:3

Fadiuganani tua ngay taw at yud e fagmakatuun, ay gubuki at yud e ngay fagtainan ya, ay gubuki yangay tagayudan ay tagafalingunan.

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Unas 4:11

Aksvn yap tua kanya nu gafangulanan au furuan daul Ninibe at taw. Kanya fagayu at kayuan ayu yap tua sadik sandan duak safuluk libu, ay kanya fagayu ya nasaful sabaliwa at masine ay at mauri. Ay sanya yangay ngayuk fagbaugun.”

Sakaryas 7:10

Lag am gfaidapan ngay fagbubayun, ngay taw tagsiginan tibak talun, ngay tagidapan ay at yud e fagtainan ya. Lag am gamatangan at mauri sas galay at sadi.’

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Deuterunumyu 10:18

Kanya ggubuk at yud e fagtainan ya, ay ngay fagbubayun. Ay kanya kesug ngay betaw ay gfon tua at fakonun ay at lanbung.

1 Timuteu 5:5

At matuyan fia fag fagbubayun, at yud e kalongan ya, ay siginan way langs Dius at fagsegun, ay kanya gdarangin kayu menit ay yabi laman get gubuk sas Dius.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.