Eremyas 48:7 - Fanawbuid tagsibaliwas Fakayabian

⁷ Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

Eremyas 48:7 ပူးပေါင်းရင်းမြစ်များ

2 Samwel 5:21

Ngay taw Filistia nafamato at ngay fagsegan, ay Dabid ay at ngay tagfawayan nabul ay nabuba.

1 Fun 11:33

Namakamulun au takatanya aroro kanya natalyuyan angku ay naseg Asturet, taw Sidun at fagsegan mangena, ay Kemus, taw Muab at fagsegan, ay Mulek, taw Amun at fagsegan. Wa nafaning angku ay wa nafakamulun at masine sa ku daga salubangan laman gfaning ku ngay suguan ay ku ngay faugali, kata at mama Dabid.

1 Fun 11:7

Ay Sulumun nafawat sik fagnansegan sa sik buksul sabaliwas Erusalem at fakamenitan, laman sas Kemus, taw Muab at fagsegan at maksvn nu mauri, ay laman sas Mulek, taw Amun at fagsegan at maksvn yangay nu mauri.

Alubad. 40:4

Mauseganan sik taw nu gafanud tua sas Yawi, ay nu ddi nangakbang ya sa sangay takamatungudun, ay nu ddi gfaning tibak taw tagseg at yud matuyan fag ngay fagsegan.

Alubad. 52:7

“Damai, kafag taw at yud gafanud sas Dius laman at tagbalabag. Abat ngate, kanya gseg way sat ngay ramraman laman kalangfe, ay aroro mangaro gfamut way at fagmabitsugun siginan nu gfamin at iba.”

Eremyas 13:25

Katanya ban takafasludan sa ayu. Katanya ku fagnamakamulunun sa ayu, aroro nalyam am angku, ay nafanud am sa ay ngay fagsegan.

Eremyas 43:12

Ay kanya ban girug talun Igiptu at ngay fagsegan at ngay bale. Ay girug yangay ban tibak fagsegan, ay tiba ban e gbuba wan. Ay kanya ban gfasine talun Igiptu kata ngay tagalaga tupa nu gbul ngay tuma siginan at ngay lanbung. Sanya ginan ban, fun Nabukudunusur glao manabayan siginans talun Igiptu.

Eremyas 48:13

Ngay taw Muab ban at fagsegan Kemus gfae fakaplaun anya fagayu, kata at kinfasludan sis Betel, ngay taw Israel nu kae fakaplaun aroro sat fagsegan.

Eremyas 48:46

Ngay taw Muab, afanyuan am! Am fag ngay taw tagseg Kemus fag fagsegan, e nantaban wan ay ngay sisian.

Eremyas 49:3

“Ngay taw Kesbun waywayi maksvn, aroro furuan Ai anrasras wan. Am fag ngay taw Raba, waywayi yangay ay suluni saku, ay foyfoliani sas tigyangan alad laman gfalag am te, kabalu am. Ay e namuba ban ay fagsegan Mulek, ay e nantaban at ngay tagfon fanggalangun ay at tagfangguna.

Eremyas 49:4

Am fag ngay taw takamabo, wain ay fakamatungudunun ay gamasun tangayu nu ggutlu? Gafanud am sa ay ngay ramraman ay glong am te, ‘We namawayan ya emi.’

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Usea 10:13

Dewa katanya, natanum wayam fagmauriun, ay ay nagutlu fagmauriun yangay. Nafamuag am, ay fakauriun way at rawvg. Aroro sa ay fagafanudun sa ay sadili fagmakatuun, kata nangus nu ngayu ay ngay tagfawayan,

Tap 21:29

Afanyuan wam ngay taw Muab! Am ngay tagseg Kemus, nababawan wam. Kemus nafabayan way lang at ngay sisian gina Sikun, ngay taw Amur at fun gtaban.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

At Nafasure 18:7

Nusnga setaw nu gfauseganan at sadili, faurianani ay fae fakabaluuni yangay anya, aroro kanya glong sat sadili te, Malunggung au kata sik mangena fag fun, bundi au sik fagbubayun, ay kabavn ban kwa kabalu.

Tagfangguna 11:24

Agbilugi wa ay fagsegan Kemus at nafon sa ayu fag talun. Ay katanya yangay anggan ami, nangagbilug yangay mi nusnge wain em Dius Yawi at nafon sa emi.