Eremyas 48:47 - Fanawbuid tagsibaliwas Fakayabian

⁴⁷ Dewa katanya, kadasug ban sik menit, gfafoli kyay ban talun Muab at kayaunanan. Au, Yawi, taglong tuy.” Kata kanya at foyungan sabaliwas talun Muab.

Eremyas 48:47 ပူးပေါင်းရင်းမြစ်များ

Ub 19:25

Dewa katanya, nasaful kwa te, ku tagfalangfe gleleg tua, ay abandi ban kanya umdasug stie sdaga.

Isayas 18:7

Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Isayas 23:18

Ay sa ban taguyan, at nafabul fag ngay salapi wa ban namungsu. Kanya ban fagayu sik famonun sas Yawi laman famul ngayuk fakonun ay at masine fag ngay lanbung ay namon sa sangay taw tagfakamulun sas Yawi.

Isayas 25:11

Ay dewa katanya, kafag ngay taw namabulun yay ban nangalangfe kata sik taw tagakalubgubun. Ay dewa katanya, dewa saful gfioan, Yawi namalubgub yay anya. Ay namababa ban anya aroro kamatungudun.

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 12:15

Dewa katanya, gdog kyay ban kafanyu kanya fag ngay talun at ngay taw ay gfafoli sa anya at ngay daga.

Eremyas 23:20

Wa ban kalyam ku dotama yakmay kban nafafasludan ku fakaylatun gfakamulun. Ay sa ban taguyan fag ngay menit, sumaful yayam at masuad.

Eremyas 30:24

Nu kadotama au wa kalyam yakmay au nafafasludan ku fakaylatun gfakamulun. Ay sa ban taguyan fag menit, sumaful yayam takatanya.”

Eremyas 46:26

Namon kban anya fagayu sas nusnga sinu takaylat gfabul anya fagayu, sas Nabukudunusur, Babilunya at fun, ay sat ngay tagfangguna. Dewa katanya, kadasug yangay ban at buknga, ngay taw nu gdog namanwan sas talun Igiptu kata ebi taguna. Au, Yawi, taglong tuy.

Eremyas 49:39

Dewa katanya, gfafoli kyay ban sas Elam at fagmanabayanun. Au, Yawi, taglong tuy.”

Eremyas 49:6

Dewa katanya, gfafoli kyay ban Amun at fagmanabayanun. Au, Yawi, taglong tuy.”

Esekyel 38:8

Aroro sik menit ban, gsugu au ayu te, namawayan am Israel fag talun, tangaduge wan nu mabaluanan aroro nababawan. Dewa katanya, kanya fagayu nadog yay nawat at ngay furuan, ay anfoli wan at ngay taw siginan tibak talun, ay katsi gbanwanan manabayan.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 11:41

Kanya namawayan yangay Israel fag talun masine, ay ngayu bank taw takabul. Dewa katanya, kanya ban wa gbabo Edum, Muab ay Amun at ngay tagfangguna.

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Tap 24:14

Guli kwan katsi sa ku kaiban. Dewa katanya, gina au galoun, gfararang au sa emu ngay taw Israel at fagnamakamulunun ban sa am ngay taw.”

Deuterunumyu 31:29

Aroro saful au te, nu nbul kban gfakamulun ban am at mauri ay gsaruy ban am fagayu ku suguan ayu. Nu katanya, kadasug ban sa ayu fagmauriun aroro gfakamulun am at mauri sis Yawi at daga salubangan ay gfauri am anya siginan ay ngay fakamulun at mauri.”

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.