Eremyas 48:44 - Fanawbuid tagsibaliwas Fakayabian

⁴⁴ Nusnga sinu ban at nalagyu aroro kalimu umtong sasad lusung. Ay nusnga sinu at kinlangfe siginans lusung umsangdaw sas sangdaw, aroro gfaurianan kwan Muab nu ndasug ban ku nafalganan fag buknga. Au, Yawi, taglong tuy.

Eremyas 48:44 ပူးပေါင်းရင်းမြစ်များ

1 Fun 19:17

Kasael namabul fagayu tagseg Baal, ay Yeu namabul fagayu at nalagyu Kasael, ay Elisyu namabul fagayu at nalagyu Yeu.

1 Fun 20:30

At sawad fag duak safulu e fituk libu nalagyu sas furuan Afek, ay natalfian furuan at dingding. Ay Ben-Adad natarung sas furuan ay nasuksuan sa sik masuksuk fag suluk.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 24:17

Fagayu am tagbanwan sas fagdaul daga, fakalimuun, ay lusung, ay litag gfanya wa ayu.

Isayas 24:18

Fagayu ban taw at lumagyu aroro e nalimuan umtong sasad lusung, ay fagayu ban at nalfas siginan sad lusung umsiuk sas sangdaw. Maksvn ban nu karak, ay daga at fagmatungkudan muigan.

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 11:23

Gina kban nafadasug faurianan, ngay taw sis furuan Anatut umkamin.”

Eremyas 16:16

“Dewa katanya katsi, namadasug kwan sa anya fagayu ngayuk fawayan kata sik ngay tagfangalbon at nanggamat anya fagayu. Ay namadasug kyangay ngay taglafat laman nanrvbvy anya fagayu sa sangay buksul, sasad araw ay sa sangay luib.

Eremyas 23:12

Nu katanya, kanya fagayu at dalan umdulum ay umdangsal. Ay kanya fagayu umtaid ay umlub, aroro namadasug au sa anya fagayu fagidapun gina kban gfaurianan. Au, Yawi, taglong tuy.

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 49:8

“Am, fag ngay taw Dedan, lagyui ay nanuksuan am sa sangay luib. Aroro gfadasug kban faurianan sas Isaw at kasugfunanan gina kban gfaurianan anya fagayu.

Eremyas 50:24

“Talun Babilunya, ankiktan o sa ku naton fag litag laman sa emu. Nagamatan o aroro sam fakamatungudunun.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 51:18

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Takabalu 3:47

Ay nadalan ami sat maksvn fag fagmalimuun, fag fagafanawaun, fag fanrasras ay fag faurianan.”

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Amus 5:19

Ay kata ban am sik taw tagamatangan te, anlangfe wan siginan sik liun, ay aroro mangaro, nafablang yay fia sik usu. Ay gamatangan yangay te, anlangfe wan aroro siwa at bale, ay aroro mangaro gina nated at dingding sik ule nagat anya.

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.