Eremyas 48:42 - Fanawbuid tagsibaliwas Fakayabian

⁴² Talun Muab karasras wan aroro natalyuyan Yawi.

Eremyas 48:42 ပူးပေါင်းရင်းမြစ်များ

Fangatulun 16:18

Sik taw takamatungudun, at fakadasugan sa ways faurianan, ay takadasug sa anya, fagidapun way.

Isayas 16:14

Ay katsi, katatuy at longan, “Nu nlangfe tuluk banwa umkalyam wan talun Muab at ngay ramraman, ay fagayu ban at taw umkapla. Wa ban ngayu at kumsawad tagleleg sanya ay kanya ban fagayu momuy.”

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 7:8

Aroro talun Sirya wa gtungud furuan daul Damasku, nu inda fun Resin nu gfunan. Ay Damasku wa yangay gtungud at fun Resin. Ay talun Israel wa gtungud furuan daul Samarya, nu inda fun Peka nu gfunan. Ay Samarya wa yangay gtungud at fun Peka. Ay e rumasras ban talun Israel nu nlangfe unumk safulu e limak banwa, ay wa ban kangayan ya te, sik talun at taw. Ay am fag ngay taw Uda, nu dway mogat ay fagafanudun sas Dius, wa yangay ban am mogat.’ ”

Eremyas 30:11

Gufud ktua ban ay gfalangfe ayu. Ay grasras kban fagayu talun nu inda nu gfasaruayan au ayu, dewa katanya kwa ban gfakamulun sa ayu takatanya. Ay bunwa at masuad te, kwa ban gfaurianan ya ayu, nu bunway gfalag au sa ayu at matuyan.”

Eremyas 48:2

Wa ban kafauseganan ya Muab aroro Kesbun at ngay tagfawayan e algan wan namawayan kafag talun. Ay o Madmen, am ngay fawayan ban namawayan emu ay namamin am ngay tagbanwan.

Esekyel 35:13

Nadungug kyangay nu kamatungudun am ay gfalingun angku.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Mateu 7:2

Aroro nusnga setaw ay amatanganan at mauri sabaliwa ay iba, katanya yangay ban at foyungan sabaliwa ayu. Ay nusnga se aksvn nu gfaurianan am ay iba, katanya yangay nu gafaurianan am.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

At Nafasure 13:6

Kanya gfauri gugat Dius, ay Dius at ngayan, ay Dius at fagbanwanan, ay fagayu tagbanwan sis banwa.